اي كلام مكتوب هنا

مش بالضرورة حالة شخصية للكاتب
فرجاء اننا نشوفه
مجرد عمل فني بيوصف حالات بنشوفها حوالينا في الحياة مش اكتر

Followers

Thursday, May 20, 2010

ياريتهم ماصلو ا ع النبي



ياريتنا ما نصليش على النبى....
بالراحة اللى كان هيحدفنى بحاجة يستنى شوية....

أوصانا الحبيب عليه أفضل الصلاة والسلام أن نكثر من الصلاة عليه ومن صلى عليه صلاة صلى الله بها عليه عشرة..
ومن ذكرياتى الجميلة ان جدتى لما كانت تحكيلنا حدوتة تقول دايما صلوا على النبى الأول..
أو مثلا وانت ناسى حاجة تصلى على النبى عشان تفتكرها..

لكن فيه بعض المواقف باشوف الناس بتصلى على النبى واقول ياريته ما صلى عليه
دى كارثة فى حق النبى ..

مثلا
- واحد منحرف بيعاكس واحدة يقوم ماسح مسح جغرافى لكل تضاريسها بعينيه ويقول اللهم صلى على جمال النبى .. بقى ده ينفع؟


-واحد عاوز يوصل لك رسالة انك لازم تسيب حقك وتاخد على دماغك وتسكت أو بتنهى عن منكر وهو بيوصلك انك تكبر دماغك..وخلى بالك بقى ان عندنا أصلا الساكت عن الحق شيطان أخرس..
يقوم يقولك ياعم صلى على النبى

-واحد بيفتح معاك نميمة وهتحلو القعدة وانت بتقوله يا عم دع الخلق للخالق يقولك سيبك انت وصلى على النبى ده كيت وكيت وكذا وكذا

- لا لا والافظع بقى زفة فى فرح والكل ناسى يلبس هدومه والراقصة الفاميلى سايز تترنح والكل يصفق صلى على النبى صلى على النبى او صلى صلى واللى ما يصلى مش عارفة ابوه ايه وامه ايه.....

يا جماعة ده ينفع
النبى بيتغنى باسمه فى افراح شعبية بيئة ؟؟!!

- طيب دول ناس بيئة مثلا وياى منهم.
الناس بقى اللى مش بيئة فى اول الفرح (والكل بردوه بينسى يلبس هدومه صيف وشتاء) تلاقى هشام عباس يغنى اسماء الله الحسنى والناس آخر خشوع....وأول ما يقول اللهم صلى على أسعد مخلوقاتك هوباااا تلاقى الكل بيتمايل ويصفق والبعض يرقص..فيه ايه ياناس
ولا اللى بيرقصوا على اغانى سامى يوسف واللى برده بيصلى فيها على النبى..
ياجماعة لازم ذكر النبى صلى الله عليه وسلم يكون له احترامه وآدابه ماينفعش نقرنه بافعال غير مناسبة له.

ارقصوا على حكيم او العنب لكن كله الا ذكر النبى..

وعلى فكرة اللى نبهتنى للنقطة دى صديقة نصرانية أعتز بها جدا كانت مستغربة من ان المسلمين لا يحترمون ذكر نبيهم بالقدر الكافى رغم أنهم بيقولوا أنه أعظم رجل فى البشرية..
مهما اختلفت الافكار او كان لنا اى اعتراض على كلامها ولكن فعلا نحن نحتاج لتنزيه نبينا عن مجالس اللغو ونخشع فى ذكره صلى الله عليه وسلم..

لكن لو كنت واحد من دول فأنا برجوك من فضلك....
والنبى.....اوعى تصلى ع النبى
.
.
.
.
وعذرا يارسول الله
اللهم صلي وسلم وزد وبارك على سيدنا محمد سيد الخلق اجمعين

بقلم حبيبتي
بوكي اجمل واجمد صحفية في المحروسة

43 comments:

dr.lecter said...

صلي علي النبي

اصلاا بتتقال من غير نيه كويسه وبتتقال زي الببغانات مش دليل ورع وتدين

Tears said...

ما ده ان دل على شىء فيدل على اننا أصبحنا مجتمع مظاهر و هو ده التأسلم اللى بيقصده المثقفون...الاغراق فى المظاهر دون مضمون و دون فهم

مجرد تمسح فى الدين حتى اصبحت الشوارع مجلات حائط دينية و المظاهر تغطى كل شىء من الكلام للاسماء للشكل لكن الفساد زاد و تدنى الاخلاق بقى الطبيعي و النفاق و السرقة و الرشوة و التحرش بقوا من سمات المجتمع و صرنا فى عصر الانحطاط بالرغم اننا نتظاهر بالتدين

لـــولا وزهراء said...

فكوووووووووره الاموره

اللهم صلى وسلم وبارك على سيدنا محمد

انتى عارفه من شويه كنت اتابع برنامج مصر النهارده وكان الضيوف دكتور نبيل خلف ووائل جسار وكانوا بيتكلموا على البوم فى حضرة المحبوب وحسيت بجو روحانى جمييييييييييييل اوى اوى

اقولك على حاجه بمناسبة صلى على النبى كنت عند دكتور الاسنان وضرس العقل تعبان شويه الدكتور اول ما فتحت بقى لاقيته بيقول صلاة النبى احسن قومت قولت له قول اللهم صلى وسلم وبارك على سيدنا محمد حسيت انه بيقول الجمله بسخريه .....
اقول لك على موقف تانى طبعا انتى عارفه انى بانسق افراح المهم كان فرح اصحابه هاى شويه اول ما اسماء الله الحسنى بدات العريس وقف ملتزم يادوب هشام عباس بيقول اللهم صلى على محمد لاقيته مسك ايد العروسه وبيبوسها كان نفسى اقلع اللى فى رجلى وياخد بها على دماغه

يا فكوووووووره يا اموووووووره احنا اصبحنا دين مظهر فقط وليس لنا علاقه بالجوهر
الحرامى قبل ما يسرق بيقول بسم الله النصاب بيقول توكلت على الله
اختم كلامى بجمله حلوه اوى جزء من اغنية وائل جسار

الله شاهد على العقول

فكوره مش تغيبى عننا لو تسمحى وعن جد نفسى اشوفك فى لقاء اسكندريه لانى ليا الشرف اتعرف على حد جميل اوى اوى زيك

فكوره سلامى لماما اوعى تنسى


زهـــــــراء

أبو حسام الدين said...

السلام عليكم
أولا اصلي على النبي المختار محمد ابن عبد الله وآله وصحبه البررة الكرام.
وبعد:
أخي الكريم فعلا أشاهد مثل هذه المظاهر وكثيرة جدا وأقولها بكل صراحة ألاحظها في المجتمع المصري أكثر بحيث يصلون على النبي في أية حالة كانت...هذا من جهة أما جهة أخرى فأغلب المسلمين لم يعودوا يخترون المواقف التي يجب أن يذكر فيها النبي وأن يصوا عليه وأنا أظن ظن يقين أن هذا راجع إلى سوء الفهم للقيم الدينية...فقد تجد من المسلمين الكثرون من يذكرون الله تعالى على لسانهم حلفا أو غير ذلك وهم شاربون للخمر فهل يجوز لمن نجس فمه بالخمر أن يذكر ربه وأنا هنا لا أتكلم عن السكران الذي لا يعي ما يقول بل أتكلم على من كان في كامل وعي ولم يصل لدرجة السكر...ثم هناك أماكن يذكر فيها النبي كما قلت لا تليق بجلال الله تعالى ولا بجناب المصطفى . الحقيقة أن هناك استهتارا من بعض المسلمين.
أشكرك أخي الكريم وجزاك الله خيرا.

قلــ"بـــلال"ــــــب فارس said...

اللهم ماصلى على النبى

احاسيس آيوشه said...

عليه افضل الصلاة والسلام
عندها حق فى كل كلمة
وانا كنت فعلا بتخنق من الافراح اللى تبدا باسماء الله والحسنى وساعات قران وفجاة تلاقيها بقيت كباريه
يلا ربنا يصلح الاحوال يارب
وعذرا رسول الله بجد احنا اللى بنسئ اليه قبل الغرب

شذا الروح said...

السلام عليكم

وحشتينى اووى وزعلانه للمقاطعه
فينك عامله ايه اخبارك ايه حاجات كتير اوووى

طبعآ انا بحيها بشده الصحفيه الجميله


انا بجد والله يافكرة بحزن لما بسمع كده او بشوف كده

ربنا يهدى يارب

اللهم صلى وسلم وبارك عليه
صلى الله علية وسلم
عذرآ حبيبى يا رسول الله

د. ياسر عمر عبد الفتاح said...

ياما قلت الكلام ده
شيء سخيف جداً

اللهم صلي وسلم وبارك على خير خلقك

لازم الناس تفوق من الجهل ده

Tarkieb said...

شوفي يا فكرة دي تعود فيه ناس في بقهم الحكاية دي زي اللبانة انا فاكر ان بجد والله يوم فرح حفيدة جيرانا المسيحيين هما اللي كانو بيطبلو ويغنو وصلو صلو ع النبي صلو....وعادي مشي حالك

richardCatheart said...

اللهم صلى وسلم وبارك على سيدنا محمد وال بيته وصحبه اجمعين


طبعا الموضع مهم وحلو بس ماتنسيش يا فكره انه مش دينى مايتبص عليه بالشكل الدينى قصدى
هو مجرد فلكلور شعبى زى الزفع الاسكندرنى
المقصود بيها انه يخلى كل اللى موجود يصلى على النبى لمنع مكروه يحصل
ويكمل اللى مايصلى امه يهوديه علشان يدفعه على الصلاه على نبينا المصطفى عليه افضل الصلاه والسلام
وفلكور فى الكلام كمان
لما يكون حد بيكلمك فى حاجه مش عجباكى
فاتقوليله صلى على النبى ياعمنى اهدى اهدى
كلها مجرد عادات صحيح مالهاش صله بالاسلام لكنها لاتتعدى الفلكلور
زى مثلا لما اقول لحد والنبى اعملى كذا
يجى حد ويقولى لاء قولى والله كده حرام
وهى غير مقصود بيها اى حرامانيه
هى مجرد لفظ متوارث فى اللغه الشعبيه
البيئيه ههههههههههه
والمصطفى عليه صلوات الله وسلامه
حب ذكره فى افراح او مناسبات
للتبارك والحمايه ودا كلها لاتتعدى المورثات الشعبيه
وانت مننا وعارفه ان سيدنا محمد صلى الله عليه وعلى ال بيته وصحبه تسليما كثير ا فوق رسنا وحبه محفور فى قلوب المسلمين ربنا يجعلنا من المجموعين به ان شاء الله
لكن الموضوع كله فى اطار المورثات اللغويه والاحتفاليه البيئيه المتوارثه
طبعا انا اتمنى انا الصلاه على النبى تكون فى موضعها ومش بافع عنهم بافعالهم
بس بردو لازم نبصلها من زويتها واننا نروح لزويه الاستهانه دى كتير
ولو حاسبنها كده
كنايس كتير بره ليها اغنى ورقص بشكل معين وتصقيف جماعى وهما بيقولو كلام دينى بحت مش مجرد صلاه بقى على النبى
هل دا يعتبر استهانه ولا دا اسلوب حياه عندهم

واهدى كده وصلى على النبى

صباحك زى الورد يا احلى الافكار

لـــولا وزهراء said...

السلام عليكم ورحمة الله وبركاته
انتي موتيني من الضحك وانتي بتعلقي على سلبياتنا ربنا يعزك يارب مش عارفة اضحك ولا ابكي من اللي وصلناله ..انا لسة كنت فاتحة قناة فيها صلاة الجمعة بعدها جابوا اسماء الله الحسني بأسلوب اول مرة اسمعه الموسيقى زي ما تكون سوري واحدة بترقص عليها انزعجت للوهلة الاولى افتكرت انه جزء من اغنية هشك بشك ببص لاقيت مكتوب اسماء الله الحسنى ده يصح برضوا يا جماعة !!!
اللهم صلي وسلم وزد وبارك على سيدنا


محمد صلى الله عليه وسلم

لـــولا

صباح الخير said...

اللهم صلى وسلم وبارك على سيدنا محمد

.. خير سلعة مع أشر بائع...
(وصدق رسول الله .. (الدين المعاملة

تحياتى وخالص تقديرى

فتاه من الصعيد said...

اللهم صلي وسلم على خير خلق الله كلهم

عندك او عندها حق فعلا... ولكل مقام مقال

تحياتي

أبو حسام الدين said...

أخي الكريم شكرا لتعليقك في مدونتي، وجئت فقط لكي أوضح لك أن الرحمان التي كتبتها هكذا في المدونة الاخرى هي صحيحة، فإرجع يا أخي إلى القرآن الكريم فستجدها مكتوبة هكذا الرحمن ويتسوط ما بين الميم والنون ألف وهو غير متصل بالحرفين، وهنا في المغرب نكتبها بهذا الشكل.
وشكرا لك على الملاحظة.

جارة القمر said...

فعلا والله ليكي حق


حاجات كتير بنعملها وبنرتكب اثم واحنا مش حاسين

جزاكي الله الجنة

أحمد الصعيدي said...

أعجبني موضوعك بشدة


الضد بالضد يظهر



أسعدك الله

غروب said...

بجد

الموضوع راااااااااااااااائع

يمكن عمرى م اخدت بالي منه رغم انى مش باعمله الحمد لله

لكن مجاش في دماغي ابدا فظاعة اللى بيحصل

كنت يمكن باخد الامر ببساطه لو فعلا اتصلي على النبي بالطريقه دى

حقيقي موضوع يستاهل وقفه

والله العظيم

اتمنى جدا كل مسلس يقرأ الموضوع

لان نبينا يستاهل مننا كل التقدير والاحترام

تحياتى يا قمر

ليس فقيرا من يحب said...

عندك حق فى كل كلمه يا فكرة

احيكى بشده على البوست

ربنا يسعدك ويصلح احوالنا جميعا

اللهم صلى على سيدنا محمد عدد من صلى عليه وعدد من لم يصلى عليه

موناليزا said...

تسلمى وتسلم صاحبتك كاتبة الموضوع

اللهم لا تؤاخذنا بما فعل السفهاء منا

القمرالباكي said...

السلام عليكم ورحمه الله وبركاته
مساء الخير
انا معاكي في بعض المواقف الي ذكرتيها كالمعاكسه والهزار مينفعش ذكر الرسول صلي الله عليه وسلم فيها
انما لو كان لتهدئه وبنيه جديه فمشكله ده مش غلط ع مااعتقد
واذا كان غناء للتعبير علي السعاده بطريقه مناسبه بردوا مفهوش خطا
الي اكتر بيغيظ لفظ دارج بين الناس كسبنا صلاه النبي ناس بتستخدمه بهزار ومن فينا يطول شرف وعظمه كسبان صلاه النبي عليه افضل الصلاه والسلام

دومتي بخير

мαησηα said...

اوبااااااااااا انا كنت من الناس دى

بس ف حتة ان لما احب اقول لحد كبر دماغك اقوله صلى ع النبى

انا بجد اسفة انى كنت بعمل كده

ميرسى لبوكى وليكى يا احلى فكرة ف الزمن ده

Timo.. said...

يا سلام عليكي يا فكورة وعلى البوستات الحلوة ..
ايوا كده عاوزين حاجات مهمة ومواضيع ليها هدف وبعدين انت قولتي في الاخر انه بقلم بوكي..
ترى...يا هل ترى.. انت تقصدي بوكي ابنة عم البنفسج..؟؟ :)

سمسم/سما said...

اعتذر عن التعليق خارج الموضوع
إعلان عن بدء دورة فوتوشوب للمبتدئين
- تعلن مدونة امتـــــــــــــــي عن بدء دورة فوتوشوب للمبتدئين
- ،فعلى الراغبين فالمشاركة متابعة الدروس على المدونة
- الهدف: تعلم اساسيات الفوتوشوب وصناعة التصاميم
- الفئة المستهدفة : المبتدئين فالبرنامج وخاصة الذين لم يسبق لهم التعامل مع البرنامج
- الدروس :
- - التعرف على شاشة البرنامج والادوات وكيفية استخدامها
- - استعمال الفلاتر والتحديد على الصور
- - التعامل مع الطبقات
- - الكتابة على الفوتوشوب
- - دمج الصور
-
- آلية عمل الدورة :
- - سيتم شرح كل درس بطريقة مبسطة وسهلة ويعقبها تعليق ومناقشة من قبل المشاركين
- - سيكون هناك تدريب للمشاركين كتطبيق عملي على الدرس الذي تم شرحه,ويتم ارسال التطبيقات عن طريق الايميل لنشرها فالمرة المقبلة

سمسم/سما said...

السلام عليكم
على فكرة انا معاكي
محبش الصلاه عالنبي والذكر يدخل فاغاني بيترقص عليها
ربنا المستع
ان عالزمن ده

resalatye said...

اللهم صلي وسلم على النبى

MONTY said...

اللهم صلى على النبى

وزد عليه صلاه...

صباح الخير
الناس بتتكلم كتير وهى مش عارفه اللى بتقوله وفى كمان اكتر من كده بس انتى دمك خفيف والله

تحياتى وبالتوفيق

الشموع السوداء said...

والله عندك حق في البوست الرائع ده
وفعلا الواحد المفروض ياخد باله بعد كده

م/محمود فوزى said...

السلام عليكم
بصراحه فيه حاجات كتيره متفق معاكي فيها
ازاى يبقى الصلاه على الرسول صلى الله عليه وسلم مقترن بالرقص او اى حاجه مش كويسه

الناس لازم تاخذ بالها
وده يرجع برضه للوعى الديني
وهنا طبعا دور الشيوخ والمساجد وبرضه دور الناس
لما حد يشوف حاجه يقدر ينبه اللى غلطان يبقى يقوله

ربنا يصلح الاحوال
ربنا يكرمك ويوفقك

osama44 اسامه 44 said...

بجد نحن المسلمين اساءنا لنبينا قبل ان تسيى اليه الصحف الدانماركيه
ان لله وان اليه راجعون

افروديت said...

عجبني أوي يافكره البوست ده خاصه الحته بتاعة واحدبيعاكس واحده..عشان كده لازم كل البنات الحلوين يشيلوا في شنطهم الصاعق الكهربائي ..سلام ياقمر

4xmisr said...

تم افتتاح منتدى
ibond.builder-eg.com
ويقوم أعضائه بكتابة موضوعات مجلة المجتمع المدنى العربى
csmag.builder-eg.com
و دليل المصادر المفتوحة
foss.builder-eg.com
بالاضافة لمواقع أخرى سيتم افتتاحها بعد نجاح و ثبات المواقع السالفة ,
مزايا الاشتراك فى الموقع:
* الحصول على عروض مختلفة!
مثال:
الاعلان عن موقع أو مدونة العضو
الحصول على تخفيضات فى أى موقع تابع لنا, حاليا موقعنا يختص بالاستضافات و بيع البرامج, لكن قريبا سيتم تأسيس موقع للتجارة الاليكترونية ان شاء الله

* الاشتراك فى مجموعات التى سيتم انشائها ل :

* تأسيس مكتبة لكتب الأعضاء, و ذلك بعد عمل عدد لا بأس به من الكتب( بشروط أهمها أن يكون الهمل جماعى أو فردى لكن حاز اعجاب أغلبية الأعضاء)
* مجموعات دعم المصادر المفتوحة , مثل الترجمة و الشرح , بالاضافة لدعم أى مشروع عربى مفتوح المصدر
*مقدمى خدمة توصيل أقراص برامج مفتوحة المصدر ,
* تحرير مجلة المجتمع المدنى
* كتابة مقالات دليل البرامج مفتوحة المصدر
* كتابة مرجع للأمن الاليكترونى
* العمل على زيادة تحديث و تطوير المجتمعات المالية العربية لكى تصبح مجتمعات لا نقدية ,( استخدام بطاقات الائتمان و الحسابات الاليكترونية الخ)
* و اجمالا تبادل الخبرات بين أعضاء الموقع
وغير ذلك كثير بإذن الله
شكرا

شذا الروح said...

وحشتينى

جيت اطمن عليكى يارب تكونى بخير حبيبتى

فتاه من زمن اخر said...

عليه افضل الصلاه واتم التسليم
بجد موضوع جامد واحيكي عليه بشده وفعلا المفروض الواحد مايستهونش بالحجات الي زي دي وابسط حاجه لما قلتي واحده نصارنيه علقت لازم نحترم دينا ونبينا احنا واجهه للاسلام وهنتحاسب علي الكلام ده قدام ربنا
وبالمناسبه حرام حد يقول لحد والنبي اعملي كذا.. لاحلفان لغير الله ممكن تقول بالله عليك
وبجد انا بتضايق من الي بيعمل في بدايه الفرح فاتحه باسماء الله الحسني وبعدها اغاني العنب ياما فرح اسلامي من اوله لاخره ياما اغاني من اوله لاخره
تسلم ايدك وقلمك

Boky said...

تسلمى لى يا أحلى فكرة فى الدنياااااااا

ربنا يخليكى
أنا مش عارفة اوصفلك احساسى
لما رجعت لبلوجر بعد غياب وداخلة اسلم عليكى
لقيتك مقدمة البوست بتاعى
بجد انتى صاحبة زى السكر

ووحشتيييينى يا فكرتى ماتبقيش تغيبى كتير طمنينى عنك <3

momken said...

اللهم صلى على سيدنا محمد صلاه تليق
بصاحب الشفاعه كلما ذكرك ذاكرك وشكرك شاكر ..ونسى ولهى عن ذكرك لاهى


واللهم اهدى امه محمد بهدى من عندك يهدى ايه سواك


جزاكى الله خير ياستى

بوست فعلا رائع وملاحظات جميله اوى



تحياتى

richardCatheart said...

صباح الخير

خير يا فكره مختفيه ليه
لا اسكت لكى الله حسا ابدا
يارب تكونى طيبه وبخير
ويكون المانع عن الظهور خير يارب

تحياتى ياريت تطمنينا عليكى

فكرة من الزمن ده said...

اولا باعتذر بشدة وبخجل عن غيابي عن الرد كل ده وسامحوني بجد
لكن انا متأكده انكم كلكم طيبين وهاتسامحوني
لان كل واحد ليه يوم
ولازم نعذر بعض بقى
خلاص؟
خلاص سامعة واحد هناك ساكت ماسامحنيش
معلش اروحله لحد عنده في مدونته واقوله ليك يوم ياظالمني

ده كان اولا

فكرة من الزمن ده said...

اولا
بقى
باشكر كل اللي شرفني وصلى على الرسول لانه كسب حسنة وكسبني انا كمان حسنة

dr.lecter
نورت ياباشا
------------


Tears
معاكي في كل حرف
-------------

لـــولا وزهراء
زهوووورة الشطورة
سلامك وصل
وبتنسقي افرااااااح ممممم
انا كده اتطمنت
ههههههههه
وش بيغمز
____________

أبو حسام الدين
احترم رؤيتك في الشعب المصري
ولكنها غير قاصرة على شعب بعينه نورت
ــــــــــــــــــــــــــ

قلــ"بـــلال"ــــــب فارس

عليه الصلاة والسلام
نورت
ــــــــــــــــ

احاسيس آيوشه
عليه الصلاة والسلام نورتي
ـــــــــــــــــ
شذا الروح
زعلك على عيني والله ما مقاطعة ظروووف
عليه الصلاة والسلام
انا كممان بموت فيها
ــــــــــــــــــــــ

د. ياسر عمر عبد الفتاح
وما تبطلش تقوله ولا تيأأأس
ــــــــــــــــــــــ

Tarkieb
عليه الصلاة والسلام
هههههههههههههههه
فكرتني بفيلم صايع بحر لما احمد حلمي راح يعمل واجب في الكنيسة وقال بسم الله الرحمن الرحيم
زفة اسكندراني
ده واللي انت قلته اجمل صور الوحدة الوطنية الهلا مع الصليب
نورت
ــــــــــــــــ
richardCatheart
عليه الصلاة والسلام
كلامك مظبوط جدا
ولكن ما المانع اننا لو عرفنا غلط بنقع فيه ولو بدون عمد
نفكر نفسنا وحوالينا
وعشان نغير من نفسنا
والا كيف تتغير مجتماعاتنا للاحسن
اما بالنسبة للكنائس مع كامل الاحترام لهم ولعقائدهم وطقوسهم الدينية
فلكل ديانة تقاليد خصوصية
فمثلا هناك طقوس معينة وترانيم تتم على انغام البيانو
وعندنا احنا مش ممكن اننا نصلي على الانغام
اتمنى اكون قربت وجه نظري

ههههههههههههه
هديت يارايتشارد عليه الصلاة والسلام
نورتي
واشكرك على سؤال الغالي
ــــــــــــــــــ


لـــولا وزهراء
عليه الصلاة والسلام
لا ماتبكي ياجميلة
انصحي وما تملي
نورتي وبلاش تغيبي تاني كتير زي فكرة
ههههههههه
ــــــــــــــــــــ
صباح الخير

اللهم صلي وسلم عليه
ـــــــــــــــــــــ

فتاه من الصعيد

عليه الصلاة والسلام
نورتي
ـــــــــــــــــــ
جارة القمر
الشكر ليكي جارة القمر نورتي
ــــــــــــــــ

أحمد الصعيدي
نورت
والشكر كمان لبوكي صاحبة الحكاية
ـــــــــــــــــــــــ

غروب
نورتيني ياقمر واسعدني وجودك
ــــــــــــــــــــ

ليس فقيرا من يحب
اشكرك يا جميلة نورتي
ـــــــــــــــــ

موناليزا
وانتي ايضا تسلمي
امين يارب
ـــــــــــــــــ
القمرالباكي
عليه الصلاة والسلام
نورتي ياقمر
ــــــــــــــــ

мαησηα
ميرسي ليكي انتي ياجمل منونة على تشريفك
ياقمر وميرسي كبيرة لبكبوكي
ـــــــــــــــــــ


Timo..
ميرسي تيمو
يعني البوست اللي تقول عليه مفيد وليه هدف يطلع موش بتاعي
ههههههههههههه
ماشي
ــــــــــــــــــــ


سمسم/سما
نروتني سمسما
وسعيدة بالدعوة وانت في بيتك
واتشرف بزيارتي ليكم
ــــــــــــــــ

resalatye

عليه الصلاة والسلام
ـــــــــــــــــ
MONTY
ميرسي ليكي الدم الخفيف منقول
للافادة
هههههههههههه
ـــــــــــــــــ

الشموع السوداء

مرورك اسعدني
ــــــــــــــــــ
م/محمود فوزى
كلامك مظبوط
نورتني\
عليه الصلاة والسلام
ــــــــــــــ

osama44 اسامه 44
عليه الصلاة والسلام
اكيد اسأنا له عليه افضل الصلاة والسلام
ــــــــــــــــــــ

افروديت
نورتيني يا افرو الجميلة
ــــــــــــــ
فتاه من زمن اخر
تسلمي انتي حبيبتي
ويسلم قلم
بوكي
ــــــــــــ

Boky

بوووووكي الجميلة صاحبة التدوينة
ــــــــــــــــــ
momken
عليه الصلاة والسلام
نورت يا ممكن وشكرا لاضافتك القيمة
ـــــــــــــ

فكرة من الزمن ده said...

شكر اخير لبوكي الجميلة على التدوينة الجميلة

richardCatheart said...

احلى الافكار

ليكى عندى واجب ابقى روحى خديه واعمليه

اهو تهيسى شويه

فاروق بن النيل said...

فكره من الزمن ده......
عندك حق أنا فعلا كنت بأستاء جدا عند سكوت الموسيقى بوصلة أم كلثوم زمان " وخاصة فى أنت عمرى قبل مقطع وكفاية أصحى علىإبتسامتك بتقولى أعيش" وأجد فجأه واحد طالع بصوت عالى يقول: صلى عالنبيــــــــــــــــــى يقوم الناس كلها مصفقين كنت بازعل جدا وأقول فورا أستغفر الله العظيم
نحن شعب مستهتر بكل شيئ وماعندناش ذوق عام وتحديد لكل شيئ بحياتنا وإيه اللى مفروض نعمله ونقوله وإيه اللى مفروضمانقولوش ومانعملهوش حتى يحترمنا الناس الأجانب دا فيه واحدألمانى صديقى قالى مره : ليه إنتوا كمصريين دايما بتكتبوا وترسموا على جدران دورات المياه؟!!!!!!.
وكمان ليه دايما المصريين لما تقوله ليه عملت كده يقول معلهش ؟!!!!!!!
هوه متغاظ جدا من كلمة معلهش

فاروق بن النيل said...

فكره من الزمن ده.....
نسيت حاجة مهمة " اللهم صلى على سيدنا محمد فى الأولين وصلى على سيدنا محمد فى الآخرين وصلى على سيدنا محمد فى كل وقت وحين وصلى على سيدنا محمد فى الملأ الأعلى إلى يوم الدين "

حابس نمله و بعذبها said...

كلام جميل وكلام معقول مقدرش أقول حاجه عنه

لكن التناقض ده موجود فى كل حاجه سواق المشروع مشغل قرأن ومسمع المشاريع اللى حواليه وتلاقيه بيغالى فى الاجره او يقولك اخرك المجمع والشاطبى كان اخر الخط ده مغضوب عليه او مش من ضمن الاجره

بتاع اللحمه دقنه تبقى واصله لحد كعب رجله وتلاقيه بيلبسك فى القطعيه وتلاق نفسك واخده حاجه شبه اللحمه

me