اي كلام مكتوب هنا

مش بالضرورة حالة شخصية للكاتب
فرجاء اننا نشوفه
مجرد عمل فني بيوصف حالات بنشوفها حوالينا في الحياة مش اكتر

Followers

Friday, March 26, 2010

سرقوني وباين في عنيهم



البوست ده اترردت اكتبه ولا لا
لاني في الاول قلت طيب والناس مالهوم ومال اللي حصل
رجعت قلت لا يافكرة
دي مدونتك
وافكارك 
بتقولي فيها اللي بيفرحك واللي كمان مزعلك
وحقيقي الموضوع ده حيرني
افرح ان كلامي عاجب الناس وكمان خياراتي وانتقائي للصور مع المواضيع 
ولا ازعل لان تعبي وتفكيري واحاسيس كتيرة من ضضمن الكلام عشتها 
وكمان مواقف جميلة ومحزنة مرت عليا
واكيد اصحابي اللي يعرفوني من زمان عارفين كل كلمة اتكتبت امتى وكان ايه سببها
وفاهمين اني ايه اللي زعلني وعارفين
الكلام اللي بيعبر عن احساس والكلام اللي اتكتب مجرد خواطر واجتهاد مني

والحاجات دي انا شفتها وناس قالت لي عليها صدفة 
يمكن في غيرها مسروق
ويمكن في منكم انتم كمان حصل له كده
لكن انا سالت نفسي
ليه بيحصل كده
وايه اللي  ممكن نعمله 
واكيد منع النسخ مش حل 

ودية البوستات اللي اتنشرت في فكرة
وتحتها الاماكن اللي اتسرقت البوستات دي واتنشرت فيها

























Saturday, March 20, 2010

ام للبيع





عايز اشتري ام
ام بخيلة
ام غير متعلمة
ام قاسية المشاعر
ام سليطة اللسان
ام مش شيك
دايما شعرها منكوش
دايما مشغولة عن اولادها
ام لا تعرف معنى الاختلاف
ولا معنى كلمة وجهة نظر
ام بتكرهني
ام دايما تقولي ذاكر وتنكد عليا
ام دايما تقولي ممنوع تنزل  الشارع
ام دايما تقولي ماتلبسش اللبس ده
ام بتحب اخويا اكتر مني
ام حنقة


الي عنده ام فيها العيوب دي ودايما  بيزعلها وينزل دموعها
يبيعها وانا اشتريها بس يكون عندي ام

الكلام ده حسيته في نظرة طفل  في الشارع وهو بينظر لام وابنها وفضل معلق نظره عليهم 
وفكرني بكل شكوى اشتكاها حد  مرة قدامي من امه وهو فاكر انه اتعس مخلوق انه ليه ام فيها عيب من العيوب دي
على اختلاف مراحل العمر
تخيلت على طول الطفل ده بيقول انا راضي بام فيها كل العيوب دي بس يكون لي ام

الي كل ام كل سنة وانت طيبة وبخير

والي امي يارب يخليكي يا اجمل ام في الدنيا
واحن ام في الدنيا

ملحوظة
ماما دمعت لما قرت البوست 

Friday, March 05, 2010

أفكار وتحديث

تحديث: عرفت من مشمشة المشمشية ان دولا ليه عيد ميلاد زينا فحبيت اقوله كل سنة وانت طيب
وعقبال لما تحقق حلمك اللي قرفتها بيه
بجد بجد وممن غير هزار وتقل دم
دولة ده من ناس اللي دخلت قلبي جدا ومن غير سبب يمكن لانه رخم شوية
ويمكن كمان لانه عنده حاجة كده مش كويسة اسمها مبدأ بس ..اهو ماشي حاله
ويمكن لانه في عيب جامد جدا اسمه الصراحة
وعيب تاني اسمه عدم المجاملة لكن ينفع وقت عوزة
وعموما مبناسبة عيد ميلاده انا مسمحاه على كل العيوب دي
لكن العيب اللي مش ممكن اسامحه عليه  احمد السعدني
لكن اهي الحسنة الوحيدة لاحمد السعدني
وطبعا هو عارف اني باقوله كل سنة وانت طيب طمعا في سندوتش الكبدة الاسكندراني من هوهو
ونقلب بقى للرومانسية تاني اللي في البوست


استعمرت افكارك عقلي
فتوسدت همومي قلبك
افرغت فيك حناني المشحون
فتجرعت كأسا من الشهد المر 
كلمات باحساس لم يفتر
ان اختارالوليد اباه فانا لم اختر
حبا بربوع القلب سجل امتلاكأ وأشهر
كلما ارتوى منه ..إزداد واستكثر
وانتشى بالحب الجميل وأكبر
فانهارت حصون القلب وحياءا تبخر



ملحوظة مهمة جدا
الحياء هنا مقصود بيه حياء البنت من التصريح بحبها ومش اكتر من كده في اطار كمان

me