اي كلام مكتوب هنا

مش بالضرورة حالة شخصية للكاتب
فرجاء اننا نشوفه
مجرد عمل فني بيوصف حالات بنشوفها حوالينا في الحياة مش اكتر

Followers

Tuesday, April 28, 2009

سعيدة وزعلانة

بسم الله الرحمن الرحيم
انا اترددت كتير هل اكتب الموضوع ده ولا لا
وفي الاخر استخرت ربنا وقلت
لازم اكتبه برغم اني والدي قالي
لو ان كل كلب عوى القمته حجرا لصار
الحجر مثقالا بدينار فدع القافلة تسير والكلاب تعوي

وهاقول ليه انا قررت اكتب الموضوع
ده لكن الاول لازم احكيلكم الموضوع من البداية
صحيت على حد كلمني قالي ادخلي بسرعة شيلي كومنت مكتوب
في بوست الفارس

دخلت لاقيت 5 كومنت اقل ما يقال عنهم انهم تعليقات
مكانها سلة القمامة وحتى لا يرقى انه يترمي في سلة قمامة
وكنت مقتنعة ان الكلام ده مش بيتقال الا من ولد
لاني ماتخيلتش ان ممكن في بنت تقدر تكتب او تقول كلام زي ده
وبعد شوية لقيت كمان 2 تعليقات
سخيفة بتشتم في المدونة وتشتم في الرومانسية
من نفس الشخص اللي داخل كا انونوميس
او مجهول
لو كان التعليقات مش عاجبها اي
حاجة في المدونة انا لايمكن كنت حذفتها
فخليت التعليق مقصور على بلوجرز بس
لاني مش فاضية انضف زبالة
وبعد فترة دخلت لقيت حاجة غريبة
مدونة معمولة باسمي تشتم فيا
ياللهول
انا بقيت مشهورة اوي كده
انا ما اكدبش اني في الاول اتخضيت وزعلت واتلخبطت
ويمكن اكون دمعت لي دموعتين
وبعدين لما فكرت ضحكت اوي
جالي احساس المشاهير والناس المهمين
لما بيتقال عليهم اشاعات لو ردو بيبقو صغروا نفسهم
ولو سكتوا ممكن الكلام يثبت عليهم
لاني عرفت مين اللي عملت كده
واتاكدت ان كل كلامي ليها في محله وده اللي

زعلها اوي كده ودي حاجة معروفة في علم النفس
ويعلم ربنا زي ما قلت لها انه انا كلامي ليها
مكان بهدف اني اغلس عليها او اضايقها خالص
كان من باب النصيحة علشان اكون اخليت من ذنبها

يوم ما نقف كلنا بين ايادي الرحمن اللي هي بتقول
انها عارفاه كويس مع انها لا تعرفه


اما الكلام اللي قالته عني وعن خطيبها ده
يشهد ربنا انه غير صحيح
وحتى مش حاقول حسبي الله ونعم الوكيل
لان ربنا مطلع وشايف
واذا كان ربنا يوم القيامة هايقتص للانعام من بعض
فما بالنا احنا البشر

ةمخبيش عليكم ان في الاول صعبت عليا
فكرتها والله بنت فعلا حكايتها صحيحة واشتبهت فيا ولا حاجة

وكنت هاكتب لها واوضح لها ان مش

انا اللي تقصدها واقول لها قلبي معاكي

لكن لما جمعت الخيوط على طريقة

المفتش كورومبو عرفت هي مين وبتعمل كده ليه

اما ليه ما قلتش اسمي عادي انا حرة
وفي ناس كتير فضلت تظهر بدون
اسمها علشان تكون على حريتها

ولما انا ما قلتش اسمي هي
عرفتني منين صديقة المفتش كورومبو
اما اذا كانت قرت بوستات قديمة لي
ا وعليها بنت الكلام ده زي بوست بتحبها

فاؤكد ان الموضوع مش كده خالص
وليه حكاية معايا فعلا بس برضو مش هاقولها
لانها تخصني
ملحوظة مهمة جدا
الكلام ده كله مش رد عليها
ابدا
ده انا لقيت انه من حق ناس انا
تواجدت بينهم واعتقد
اني لقيت حب اخوي وعائلي جميل
فمن حقهم عليا اني اوضح الصورة
لان احنا عيلة
اما هي ايه المدونة فانا مش حابة يكون ليها
شهرة من خلالي لكن اكيد انتم عارفينها وهي مدونة دموية
لكن عذرها الوحيد عندي ان سنها صغير
يمكن بكرة لما تكبر
والحياة تعلمها تعرف اني كان
عندي حق لما نصحتها حتى لو
معرفتش كده مش ندمانة اني قلت
نصيحة لان كمان اللي حصل ده
عرفني ناس من جوة حلوة اويييي
وبحب اشكر ميمايا الجميلة
رغم اني معرفتي بيها يوم واحد فقط

وفي شخص مهم اوي كان على بالي وانا باكتب
لاني قريت عندها بوست
حسيت انه عقد غير موقع
بيننا كلنا كاسرة واحدة ليها حقوق وواجبات


البوست ده يهمني اني اوضح
الصورة ليه هي ام المدونين
ومخبيش عليكم اني كان عندي فرحة صغيرة اوي

اما اللي
اتاثر بكلامها
لا الومه حتى لو ما دخلش ولا زارني تاني
عادي كل شخص حر في ما يفعل وليه عندي كل الاحترام
والسلام

Friday, April 24, 2009

وبقى عندي شات بوكس

بقى عندي شات بوكس
ههههههههه
على فكرة انا مكنتش اقصد
انا كنت باجرب حاجة تانية
وجات كده
وقلت
يا اما صابت يا اما خابت واتمسحت فكرة وكل افكارها
از صدفتن از فجأتن لقيت عندي شات بوكس

Thursday, April 23, 2009

جهنم




تقع هذه الحفره قرب مدينة صغير من



Darvaz


في شمال اوزبكستان كما هو واضح في الخريطة ، ويسميها السكان المحليين


بوابة جهنم :



ترجع قصة هذا المكان لنحو 35 سنة.


كان الجيولوجيون ينقبون عن الغاز في تلك المنطقة ،


ثم فجاه و اثناء التنقيب عثروا على كهف تحت الأرض ،


.كان كبير بحيث ان جميع مواقع الحفر مع كافة المعدات

هوت في أعماق أعماق ما تحت الأرض .

لا احد يتجرأ على النزول هناك لأن الكهف كانت مملوءه بالغاز.


لذلك قاموا باشعال الحفرة حتى لا ينبعث الغاز السام من الفتحة ،

ومنذ ذلك الحين وهو يحترق ،


وبالفعل لمدة 35 سنة ظل يحترق دون أن يتوقف .


لا أحد يعرف كم طن من الغاز قد اُحرق كل هذه السنوات ،


ولكن يبدو أن لا نهاية لحجم الغاز الموجود













الصور مرعبة واحنا برة
وبعيد اوي عنها
مابالنا لو احنا فيها
كل واحد يتخيل كده
زي ما انا تخيلت
اني جوة مكان زي ده
ومش موتة وتنتهي لا
اللهم اجرنا من النار ومن عذاب النار
اللهم حرم اجسامنا على النار


me