اي كلام مكتوب هنا

مش بالضرورة حالة شخصية للكاتب
فرجاء اننا نشوفه
مجرد عمل فني بيوصف حالات بنشوفها حوالينا في الحياة مش اكتر

Followers

Sunday, February 21, 2010

اسكندرية باختصار (1)اسكنننندرية





اسكندرية اميرة
جميلة  فاكة الضفيرة
عروسة فستانها دهبي
سارقة  بجمالها قلبي
اصلي واحمد ربي
خلقني بين سماها و ارضها
اتمتع بجمالها وبحرها
ولو لفيت كل الدنيا
ماختارش غيرها ابدا
اسكندرية الماريا
ولا تحلا في عيني غيرها
شيراتون فلسطين النصر
و تمشية ع البحر
بعد العصر
عبريال السوق ومحطة مصر
غروب في الشاطبي
وشروق في ميامي الفجر
في الصيف زحمةخنقة
في الشتا دماغ عالي وروقان
ورملة ناعمة صفرها زعفران
ابراهيمية وسوق شيديا
سوق الجمعهة شارع سوريا
سوق خيط
سوق مغاربة
سوق الورق
حكاوينا وكلامنا
وشبابيك جيراننا
وشارع الميدان
جبنة تركي
فلافل
جمال عبد الناصر
ارض المحمرة
طريق الجيش والمندرة
كباري وجناين
صخور وكباين



وابور المية
عجمي
سيدي بشر
عصافرة
طوسون معمورة
ابو قير
سموحة
كيلو باترا
الجامعة
كامب شيزار
ابراهيمية ..نقراشي ..فيكتوريا
منتزة ..سلاملك ..حراملك
سرايا ..ايزيس ..لاجيتيه
محطة الرمل
غيط عنب
كرموز
دخيلة ورديان
القلعة ..الجمرك
السيالة
الانفوشي.. قاعود.. راقودة
درويش.. ووالي.. وريحاني
وليالي دايما مسهراني
السرايا
سان سفانو
ستانلي
لاجيتيه
سور  بحر
جليم
لسان دايس جوة مية جليم
ميامي غرامي
مرسومة سنين قدامي
تنيس وطيبة
بورسعيد
الجيش
مصطفى كامل
بير مسعود
يضرب في قلبه موج
ويرد تاني يعود
الشلالات
شارع فؤاد
المنشية
وشارع فرنسا
 والمطافي
وعراقة مرافي

حارة اليهود
قبر الجنود
مجهولين
منقوش عملهم في لوحة الخلود


شارع الجزاير
فلل عماير
فنار سفينة
ريحة زفارة
جوبياوسنارة
حلقة سمك
صياد وشبك
كوم دكة وشقافة
خد عندك
فسلفة معرفة ثقافة
العامود والساعة
وساعة الزهور
مكتبة وتاريخ عريق
فراعنة رومان اغريق
قناديل جوامع
دخان مصانع
جندوفلي جلاجولا ام الخلول
سبورتنج  سكواش و سباق خيول
مولد جابر.. ابو العباس وبشر
رتسا وترسا 
يخوت ومرسى
فشارع فرنسا
صفين قماش وخشب
ده غير محلات الدهب
شارع النصر زنقة ستات


فاروس
عليها حارس
ازاريطة على وش الخريطة
باكوس وراس سودة
وغبريال
عامود سواري
بحرية وقاعدة عسكرية
ادكو الطابية والمعدية
المكس الدخيلة والعامرية
بيطاش هانوفيل
كنايس اجراس
مينا البصل ومتراس
ترام صفرا وزرقا
تاكسي اصفر
وقطرومشروع
 ايييووووه..
كده حنخرجو عن الموضوع

سور بحر وفرس
وسكواش وحرس
نادي سيارات
وصيد ونادي ظباط
وشرطة وقضاة
معلمين مهندسين
لشط وسط البلد محتلين
نتجمع فيهم محتفلين
باي حاجة وكل حاجة
                                                       لوران مصر للطيران
اقبال بنوك
سيزوستريس رميسيس ايزيس
صحبة صحاب
ماشيين وعند عزة
واكلين جيلاتي
سهرانين
وفي الشيخ وفيق على رز بلبن
معزومين
مش مهم هيدفع مين
يوم عليك الدور وبكرة الدور على مين
في المكتبة قاعدين يذاكرو يناقرو
بصوت وااااااااااااطي
مدؤدبيييييييين
ضحكة صافية
لقلب صافي
وصحبة دافية وحقد مافي
في رمضان شوارع
بزينة وانوار ملعلعة
وفانوس منور
وبلكونات متدلعة
(يتبع لسة ماخلصناشي)

48 comments:

richardCatheart said...

احتلالالالالالالالالالالالالالالالال اول تعليق الحقو ياجدعااااااااان

ههههههههههههههههه ايه الحلاوه دى

دا انت ماخالتيش جبتيها من قبليها لبحريها شورعها وحواريها

اكيد اكيد تبعنا ومن المنتكه هههههههه

انا بقى من باكوس اللى جنب غبريال على طول

بجد خطفتى قلبى اول مادخلت وقريت الاسامى كانى دخلت لقيت حد بينادى عليا او كاتب اسمى

اسكندريه احلى حاجه فى الدنيا حتى لو فى الاحلى

تسلمى جميييييييييييييل وبتحيز كمان
تقبلى مرورى

♥نبع الغرام♥♪≈ said...

وحشتنى

ازيك يا فكرتى

♥نبع الغرام♥♪≈ said...

يارب تكونى بخير حبيبتى

دخلت اسلم اهون وراجعه تانى
معلهش كنت بأجازه ونحمد الله رجعنا ليكو تانى

على تواصل
كل عام وانى الى الله اقرب

Anonymous said...

انا التاااااااااااالت

Anonymous said...

فوووووووووووووووووو الرابع عند فكرتى الجميله

Anonymous said...

وبما ان اسكندريه احسن ناس ناخد الخامس

Anonymous said...

حلووة موت لو اسكندريه كانت تعرف ان فيه حد بيحبها كدا زيك كانوا خلوها العاصمه بدل من القاهره

adel said...

ههههههههههههه
حلوة قوي قوي
بفكر اجي اسكنكرية اليوزمين دول قوي
واحشتني

ملحوسة
اليونان هما الاغريق يا امي
:):):)

Anonymous said...

ونسيتى نابليون
اللى اتحطم فى ابو قير
وخرج منها بزفة وهيصة
على دق المازامير
نسيتى ايلات
لما دمرنا اليهود
ريا وسكينة
شواطىء مارينا
الله عليكى يا بلدى
لو فكرنا نبعد
نلاقيها بكل لهفة تنادينا
ذكريتنا بدموعنا
كل حاجة فيها بنحبها
الله عليكى يا بلدى
عروسة محدش ادها
عروسة ومين فى الدنيا
يفدر على مهرها

لــــ زهــــــراء ــــولا said...

ايه الجمال ده كله
كل ده فسحه
احنا كده اتفسحنا يا جدعاااااااااااان ايووووووووه على كلامك اللى زى العسل وشربات الورد يا ورد
نسيتى بس ممنطقة محرم بك
بجد تسلم الايادى على الكلام التحفه وفى انتظار المزيد عن قريب ان شاء الله
اختك اسكندرنيه برضه

زهرااااء

adel said...

قولي
فراعنة و رومان و اغريق
:):)
تمشي كده

فكرة من الزمن ده said...

richardCatheart

مبروك عليك اول تعليق
انت ريتشارد ولا انتي كات
ولا انتو الاتنين بيجمعكو قلب
ايا كان نورتوني
لا لسة في تاني اصبرو علينا ياجدعان
مرورك اسعدني
تحياتي



ــــــــــــــــ
إبتسامة ملاك


نوسي وحشتيني والله
ومستنياكي
زي ماقلتي



ـــــــــــــــــ
7annen


نينوووو

ايه النور ده كله

اسكندرية عارفة بحبنا وحب كلللللللل الناس

نورتي ياقمر
تحياتي

----------------

adel


دولة السوسة
ايه يابني ماتعديش عليك النملة
والله قلت وانا باكتب دي مش هتعدي عليك
يلا
استبدل بكلمة من انشاءك

-------------------

Anonymous said...



الغير معرف المعرف جدا
شيل طاقية الاخفا احسن بقى
المربع اتضرب
والنور اتقطع والتلج فك
والحملة باظت في الفريزر

على فكرة اللي هو انا

انا منستش
انا قلت ده رقم واحد ويتبع لسة ماخلصناشي
انت اصبر بس

----------------
لولا وزهراء


ايو ياجدعان على الجمال وجمال الاسكندرانية يظهر البوست ده هايكون زي المغناطيس ويجذب كل الاسكندرانية ويبينهم
ايه رايك حلوة الفسحة ها نازلة فين ياقمر؟

نورتيني يا زهرااااااء واعذريني على التقصير
واتاكدي هايكون في تطويل بعد كده مش تقصير
ههههههه
تحياتي

--------------

adel

دولة حبيب الميلامين

كويسة بس مش عارفة ليه المكتبة مش بتفكرني بالفراعنة

بالعكس المتحف اليوناني بيفكرني بالفراعنة اكتر
ههههههههه
حول بعيد عنك
ماشي وغلاوتك لاغيرها ولو انها مش عملالي نفس الموسيقى

Anonymous said...

اسكندريه
عشقى شتاء او صيف تحفه

كل الاماكن الى ذكرتيها هى جميله وليست جميله فقط بل تحفه من تحف الاسكندريه ربنا يخليهالنا ويبعد عنها المصيفين فى الصيف علشان اكتر حاجه بتخنقنى :D

فكرة من الزمن ده said...

مستخلص افندى.


ياجمالها في الشتا
ووقت الغروب في الصيف

معاكل الف حق
ربنا يبعد عنها المصيفين في الصيف
تحياتي يامستخلص افندي

أحمد زاهر said...

ربنا يخليهالنا عروس البحر الأبيض

مي said...

فكرتى اللى وحشانى بموووووووووت فيكى ايوة يابنتى الله عليكى انا اسكندرانية نيهااااااااااا
عارفة يمكن الاسكندرانية هيحسوا اوى بكلامك انتى مسيبتيش حاجة ماشاء الله انا فى جليم بقى
بجد الله عليكى شوقتينى للجزء التانى
امواااااااااااااه

عاشقه الرومانسيه said...

اجدع فكره جاتلك يافكره
هههههههههههههههه
الاسكندريه بعد كللللل الكلام ده لازم يكون البوست عنها مختصر جدااااااااااا
لانها يتقال فيها اضعاف اضعاف الكلام ده
ماشاء الله عليكى
انتى جيتى على نقطه ضعفى يابنتى
عشقى للاسكندريه
(:
منتظره الجزء التانى بسرررررررعه

لــــ زهــــــراء ــــولا said...

انا عاشقة للاسكندرية ..وبمووووووت في ارضها
وبعشق بحرها... وبدووب في اهلها
جمييييييييييييييييييل كلامك وشعرك ومنتظرة المزيد

لـــولا

gmr14 said...

شكرا فكرة.. وعلى فكرة كانت رحلة.. الى الزمن الجميل
زمن زيارة قصيرة للاسكندرية برفقة اعز انسان..
حينها كنت صغيراً لا اذكر منها الا "بحر الاسكندرية" وغرف شقة صغيرة امضيت فيها بعضاَ من ايامي..
شكرا ليكي على جر ذكريات الماضي السعيد..
تحية ومودة

Cute Kitty **sookra said...

انا موش اسكندرانيه لكن بعشقها

وبعشق ناسها وبعشق كل حته فيها

مستنيه الباقى

Tamer Moghazy said...
This comment has been removed by the author.
Tamer Moghazy said...

يااااااااه..
ايه الجمال ده..؟
ده انت لففتيني اسكندرية حتة حتة..وده حلم نفسي اعملة من زمان لكني موش عارف..
(';')

Tamer Moghazy said...

بجد لو عندك ذكريات مع حتت من اسكندرية احكيلنا عنها

Anonymous said...

جميييييل

اسكندريه اموره

تحياتي

richardCatheart said...

صباح الفل
هههههههههه بصى هو اسم عبقرى وحدوته زى اللى سماهولى
انت ريتشارد ولا انتي كات
ولا انتو الاتنين بيجمعكو قلب
دا معنى من ضمن والله جدعه
وتقدرى تقولى راس قطه وديل اسد
وكمان مؤنث ريتشارد قلب الاسد
ههههههههههههههههههههه
اصل الاسم الاسم دا طول عمره عجبنى فانثته وبوظت اللغه


بس فى الاخر انا ست وافتخر
حلوه الحته دى

تسلمى ياجميل وشكرا لذوقك
ومتعينا بقى

Tarkieb said...

شكلك اسكندرية وشغالة شيخة حارة عارفها حته حته.واسكندرية واخدة منك راقات..تصدقي اني ابيض يا ورد فيها ويدوبك حافظ بيتنا بالعافية ....
كلام جميل وحاجة حلوة احسنتي ....ربنا يحببك في اسكندرية اكتر واكتر

dr.lecter said...

مهمها اتكلمت عنها مش هعرف اوصف جمالها
اسكندريه مكان مميز جدا في العالم

طجايلها الاسبوع ده ان شالله

beautiful mind said...

اكيد طبعا من غير كلام
اسكندرية ماريه وترابها زعفران
بجد والله اسكندرية من اجمل بلاد ربنا
مش علشان انا بعتبر نفسي واحد منها
لا
علشان انا لما بكون فيها بحس بشعور جميل اوي
بيخليني مش عايز امشي واروح
تسلم اسكندرية واهلها

سجود said...

السلام عليكم
ازززززززززززززيك يا فكره
عامله ايه
ايه كل ديه اسكندريه
ع كده طنطا مش تيجي حاجه جنبها
الله عليكي يا اسكندريه

شاب فقرى said...

يا بختك
وبخت اهل اليكس
نفسى اروحها قريب
بس النصيب
تحياتى
فقرى

صدى الصمت - عاشقة الورد - said...

يااااه كل دة ؟؟
دة بوست وله إعلان عن إسكندرية
شوقتينا كتيير إننا نروح ونستمتع بكل الحاجات دة
تحياتى

فكرة من الزمن ده said...

بــــ الخطاب ــن


يارب يسمع منك نورتني





-----------


مي



انا كمان بحبك ممممواه
وبحب كل الاسكندرانية
ونرقبي الجزء التاني قريبا قبل اوكازيونات الصيف


----------------

عاشقه الرومانسيه


دودو العسل
انتي فهمتي النقطة الاساسية
وهي بالمختصر
اني مهما حاولت اختصر عنها
اكيد هايبقى الكلام كتير
والله حقيقي حاولت اختصر فيه ومفصدتش بيها ابيات انا كنت باوصف زي ما اكون ماشية وراكبة حنطور بيلف بيا كل حتة
وزهراء كمان اخدت بالها انها فسحة مش شعر
تحياتي


-----------


لولا وزهراء


يارب يخليكي اسكندرية كمان واهلها اكيد بتحبك وترقبي الجزء التاني قريبا هو واقف معايا ع الفينال
نورتيني يالولا
تحياتي
------------
gmr14

شكرا ليك انت جمر 14 على الطلة اللي اخدتنا فيها بسرعة لزمن كانت اسكندرية فيه ليها سحر خاص عندنا كلنا ايام الطفولة سواء اهلها او زوارها
تحياتي

-----------------
Cute Kitty **sookra

وناسها بيحبوكي ياحتة سكرايا يتحتة شوكولاتاية
ومساكي وايامك سكر زي الشوكلاتة
تحياتي ياسكرورتي

-------------
Timo..


تنور بيك اسكندرية ياتيمو لكن نصيحتي تيجي في الشتا تلاقي سحر وشعور عمرك ما تنساه
اما عن ذكريات مع اسكندرية عنيا لكن لو حكيت يبقى باكتب مذكراتي يوم بيوم وساعة بساعة
تحياتي


--------------
فتاه من الصعيد


انتي اللي امورة نورتيني


-----------


richardCatheart


تصدق بالله حاتصدق ان شاء الله
انا كنت فاهمة قبل الشرح
لكن الدرس المستفاد
انك ست وتفتخري
ههههههههههههه
نورتيتي

----------------


Tarkieb

عودا احمد
ومش تسالني مين احمد
مش احب اتكلم عن حد وهو مش موجود
بيقولو اني اسكندرانية
ولو كنت اسكندراني كنت حفظت بيتكو وبقيت شيخ حارة فيها كمان
وتقدر تعتبرني السيتي جايد لحين استلام وظيفتك في شياخة الحارةبعد فترة التدريب
تحياتي
نورت من جديد

===============
dr.lecter


تنور اسكندرية بجد ياليكتر

جملتك اشجتني جدا
اسكندرية مكان مميز في العالم ياسلاااام
تحياتي


----------------
beautiful mind

تسلم يارب على الشعور الرائع ده
نورتني

----------------

سجود


ازيك انتي ياجودي
وحشتيني ياقمر ايه اخبار الكتب؟
كفاية طنطا انك منها ياقمر
تحياتي


-----------------
شاب فقرى


تنور يافقري
على فكرة من زمان نفسي اقولك حاجة مهمة
احساسي انك انسان تحمل اطيب قلب
تحياتي

--------------

صدى الصمت - عاشقة الورد -


يالا تعالي ياعاشقتا الوردي
تنوري وتعطري
تحياتي

just dream said...

اييييييييييييه ده يافكره طلعتى اسكندرانيه ولا اييييييه هههههه انا بمووووووووت ف اسكندريه وحقيقى نفسى اروحها جداااااااا خلاص لو انتى من اسكندريه يبقى اشوفك ف الصيف بقى ماااشى
تسلمى ع البوست اللى بيحببنا ف اسكندريه اكتر

احلام جوليا said...

اهلا باجدع واحلى اسكندرنية فرحت قوي بجد يا فكرة لما عرفت انك اسكندرنية ايوه كده ايوووووووووووووووووه يا جدعان ده احنا ولاد حته واحدة بقى
تسلمي يا فكرة انت منين من اسكندرية ؟

احلام جوليا said...

لاول تعليق ريتشارد اهلا باهل باكوس وغبريال والقهوة العالية بفليمن يا سلام ولا طريق الترام بس حاسب العربيات على الصفين وانت معدي وشارع مصطفى كامل يا سلام على الزحمة وشارع الاسعاف وابوكمال يا سلام لو سندوتش منه انا كمان حسين ان حد بينادي علي ورجعت تاني لشوارع اسكندرية وحشتني قوي اسكندرية وحشتني قوي مصر وحشتيني يا بلدي

Anonymous said...

ذكريات نابليون كلها جميلة وعمرها ما تتنسا ابدا لانها اصبحت تاريخ ، له مكانة خاصة فى حياته من ساعة ساعة الصفر ولحد ما جاتله انفلونزا الجلاء،، بس
،،التاريخ مش بيموت ولا ذكرياته
ومن هذا المزنق اهديلك اجمل سلام لاجمل فكرة فى اسكندرية
شريرة ايوة بس ميزتك فى شرك
لانك اول أم شريرة بجد

TWEETY said...

ازيك ياطانت
انا مبسوطة خالص انى زرت المدونة
انا جيت اسلم على حضرتك
واقولك انى عاملة حفلة ابقى تعالى زوريها ماشى
انا همشى عايزة حاجة
مع السلامة

حنين said...

ازيك يا فكره
كل سنه وانتى طيبه
مولد نبوى شريف
وحشانا كثير

-_- said...

حبيبتي اسكندرية

جنّي said...

السلام عليكم

فكرة جميلة ومدونة جميلة وتدوينة اسكندرانية اجمل ..

وزادت اسكندرية جمالا بكلماتك

سلامي وتحيتي

thunder said...

اولا يا بختك بجد اووووووووووووووى
انا بعشق اسكندرية جدا لو فعلا قدرة ليا الحياة مكان غير مكانى دا هختار اكون فى اسكندرية
بس اية دا انتى جمعتى كل مكان فى اسنكدرية بشكل جامد جداااااا انا هنق والله
جامدة بجد يافكرتى اختى العزيزة دمتِ يارب بكل حب و ود وفى رعاية الله وحفظه دائما ياااارب وكل سنه وانت طيبة يارب ديما مولد نبوى كريم عليك وعلى المسلمين اجمعين ياااارب

سمع هوص (Abo 3li) said...

انا بحب الاسكندرية اكتر من اي حتة في مصر... حتي لو فيه اماكن اجمل في مصر.. بس هيا ليها معزة خاصة... وكنت فاكر اني ناصح اوي... عارف كل حتة فيها....
بس عرفتيني النهاردة ان في اماكن كتير ميعرفهاش غير اهلها...

تحياتي ليكي ولكل اهل اسكندرية...

اول زيارة ومش الاخيرة ان شاء الله

محمد عتلم said...

اسكندريه
مشفتش حد فى الدنيا بيقول عليها وحشه ابدا
كل الناس بتحبها جدا
انا مصورها صور حلوه من فتره كبيره . نفسى اصور كل جزء فيها

Anonymous said...

ازيك
اسكندريه طبعا جميله محدش يقدر يتكلم
رغم ان زياراتى للاسكندريه قليله جدا وكل مره يمكن لا اكمل ساعه او ساعتين فيها

بس كل اللى راحها بيشكروا فيها جامد
يارب تبقى للاحسن على طول

بس بصراحه الكلام بتاعك منظم وكويس

ربنا يكرمك ويسعدك

well said...

اسكندرية كلها موجودة فى البوست ده

اسكندرية عروسة بحرها المالح

تحياتى لاسكندرية وكل اهل اسكندرية ...اجدع ناس

مخطوبة said...

أول إحتلال ومش آخره

أسماء حسين said...

ازيك يا فكرة يا جميلة
طبعا مش عارفة أنا مين هفكرك بيا اخر التعليق بس الأول أحب أقولك
يا بخت اسكندرية..وأنا من عشاقها ومبسوطة بكلامك اللى ملوش وصف دة عنها جدا
أول مرة أعرف ان عندك مدونة عشان كدة أول مرة أدخل وعشان كدة قلبت فى بوستات كتير فطبعا خدت فكرة عامة عن اسلوبك وعجبنى جدا
لحد ما وقفت هنا وفرملت عشان اكتبلك رايى
بجد انتى وصفتى اد ايه اسكندرية دى احلى عروسة فعلا فى الدنيا
تسلم ايدك وتحياتى لفكرتى الحلوة

على فكرة أنا أنجل....بتاعة الكتب ع الفيس :))))

محمد التركى said...

أيه الجمال ده وأيه الحلاوة ديه
بس ممكن أسالك سؤال محيرنى
أنتى أزاتى عارفه كل مناطق اسكندريه
أنا اسكندرانى وعارفها كلها بحكم أن ليا أصحاب كتير فى كل زقاق فيها بس أنتى مخلتيش ولا منطقه
من شرقها لغربها
أنتى أيه أنتى قاموس
بس بجد والله العظيم روعه روعه
تسلم أفكارك
ويسلم عقلك اللى فكر
وقلبك اللى حب
وأحساسك اللى حس
وزاكرتك اللى شالت كل حته فى اسكندريه وعرفاها كده
وتسلم ايدك وقلمك

وعجبنى جدا لما بتقولى
ماشيين وعند عزة
واكلين جيلاتي
سهرانين
وفي الشيخ وفيق على رز بلبن
معزومين
مش مهم هيدفع مين
ههههههههههههههه
عندك حق مش مهم هيدفع مين
بس اللى افتكرته لما قريت الجماه ديه
أجمل أيام حياتى وأمر زكره فى حياتى

تقبلى مرورى وأنشاء الله يكون فيه تواصل مابينا

ودى وتقديرى

me