اي كلام مكتوب هنا

مش بالضرورة حالة شخصية للكاتب
فرجاء اننا نشوفه
مجرد عمل فني بيوصف حالات بنشوفها حوالينا في الحياة مش اكتر

Followers

Saturday, March 20, 2010

ام للبيع





عايز اشتري ام
ام بخيلة
ام غير متعلمة
ام قاسية المشاعر
ام سليطة اللسان
ام مش شيك
دايما شعرها منكوش
دايما مشغولة عن اولادها
ام لا تعرف معنى الاختلاف
ولا معنى كلمة وجهة نظر
ام بتكرهني
ام دايما تقولي ذاكر وتنكد عليا
ام دايما تقولي ممنوع تنزل  الشارع
ام دايما تقولي ماتلبسش اللبس ده
ام بتحب اخويا اكتر مني
ام حنقة


الي عنده ام فيها العيوب دي ودايما  بيزعلها وينزل دموعها
يبيعها وانا اشتريها بس يكون عندي ام

الكلام ده حسيته في نظرة طفل  في الشارع وهو بينظر لام وابنها وفضل معلق نظره عليهم 
وفكرني بكل شكوى اشتكاها حد  مرة قدامي من امه وهو فاكر انه اتعس مخلوق انه ليه ام فيها عيب من العيوب دي
على اختلاف مراحل العمر
تخيلت على طول الطفل ده بيقول انا راضي بام فيها كل العيوب دي بس يكون لي ام

الي كل ام كل سنة وانت طيبة وبخير

والي امي يارب يخليكي يا اجمل ام في الدنيا
واحن ام في الدنيا

ملحوظة
ماما دمعت لما قرت البوست 

59 comments:

اسماء واحلام فى وجدانى said...

اول

تعليق


بعد الغياب

عند فكرتنا

اسماء واحلام فى وجدانى said...

انا جاى اعوض اللى حصل فيا امبارح

اصل مش معقول اسكت بعد كل ده

ومش بغير معرف

لالالالالالالالالالالالالالالالالالالالالالا


كلا البطة

اسماء واحلام فى وجدانى said...

اولا ازيك يا فكرة

كل سنة وانتى وكل ام طيبة

وكل ام شريرة بخير


يارب كلهم كلهم بخير يارب

اسماء واحلام فى وجدانى said...

وكل سنة وماما الفراغ وهى طيبة وبخير ويارب ترجع بسرعة لان غيابها ده
ماثر علينا كلنا

اسماء واحلام فى وجدانى said...

انا على فكرة داخل على طول من غير ما اقرا البوست بس هاروح اشوفه حالا

وقبل ما اروح عايز اسلم على كل الناس اللى ساكنة فى قلبى من خلالك يا فكرة يارب تكونوا كلكم بخير يارب
وسلام مربع لمربع الشر
اللى مش عايز يرجع تانى
ثندر فكرة ميمى احمد

اسماء واحلام فى وجدانى said...

تفتكرى يا فكرة فى كلمة او معنى فى الدنيا كلها ممكن يساوى التراب اللى الام بتمشى عليه
استحالة والف استحالة
وعشان كده
لا تعليق
بس على فكرة انا ليا عتاب عليكى وعلى اى حد عامل بوست عن عيد الام وكان نفسى اعمل الكلام ده فى بوست بس خوفت اتسبب فى الم غيرى
انا اعرف ناس بتختفى الايام دى يا فكرة عن اى حد تعرفه بس اللى بيحصل ده ناس بتخاف تسمع اغانى عن الام ناس بتخاف تشوف هدايا عيد الام ناس بتتالم اوى من اليوم ده ناس اتحرمت من الام وناس مش شافتها خالص وناس وناس وناس
شوفت ناس كتير مش عارف يمكن اكون غلطان فى كلامى ده بس الاحساس ده بيوجع اوى انا والدتى عايشة الحمدلله بس لما باحس بغيرى من غير ام باتعب اوى تصدقى والله اليوم ده يوم اعتكاف ليا لان الخوف والقلق اللى جوة اى حد من الناس دى بقى جوايا وتعبهم بقيت احس بيه رغم وجود امى الحمد لله
دى مجرد وجهة نظر يا فكرة مش اكتر
وربنا يخلى والدتك ليكى يارب
وكل سنة وهى وكل ام طيبة وبخير يا رب

♥نبع الغرام♥♪≈ said...

كلامك صح يا فكره ومش لاقيه كلام بعد كلامك كل سنه وكل ام بالف خير

سمع هوص (Abo 3li) said...

ربنا يخليلك مامتك... وكل سنة وهي طيبة..

وكان لازم تعيط..
يوم اليتيم قرب... عاوزين يامعشر المدونين نفكر ازاي هنساعد ...


تحياتي

لــــ زهــــــراء ــــولا said...

فكوره الاموره
-*-*-*
يارب كل لحظه وانتى وماما بخير وسعاده ...
عارفه يا فكره انى كمان دموعى نزلت من كلامك يعنى الطفل ده محتاج لأم كلها عيوب مش فيها اى ميزه لكن هى فى الاخر ام ..........

نحن لا نشعر بقيمة ما نملكه الا حينما نفقده , يعنى تلاقى الواحد قاعد يقول ماما تزعق او مش بذاكر او بابا بيزعق لو رجعت متأخر شويه لكن لو قعدنا مع حد فقد احد والديه سوف يتمنى انه يسمع كلمه زى الكلام ده من احد ابويه لانه لا يملك اب او ام او لا يمكن الاثنين معا ....

انتى عارفه انى فكرت النهارده انى اكتب ميلات لكل اصدقائى اللى فقدوا امهاتهم يعنى مجرد سؤال عنهم وعن احوالهم وبالفعل عملت كده مع بعضهم ومش عاوزه اقولك الفرحه اللى لاقيتها فى الردود خاصة ان فى منهم مش اعرف عنه اى حاجه من فتره طوويله ....
الام دى حاجه مهمه اوى فى حياتنا وكمان الاب لانى اشعر انه شخص مظلوم على طووووووول الحياه
ربنا يبارك لكل الناس فى ابائهم وامهاتهم ويرحم الاموات منهم
ربنا يرحم والدى ...
ربنا يبارك لى فى عمر امى وعمر والدتك
كل ثانيه وماما بخير اوعى تنسى تبلغيها سلامى وتهتنئتى قولى لها اننا بلديات اسكندرنيه زى بعض

زهراء

Ms Venus said...

مش ماما بس اللى عنيها دمعت من البوست يا فكرة


انا كمان وحسيت اوى بالكلام وبالمعنى


كل سنة وكل ام فى كل مكان بخير وصحة وسعادة

لــــ زهــــــراء ــــولا said...

مش عارفة اقولك ايه بس ..انا دموعي هتنزل من كلامك ..ربنا يسعد كل قلب بمامته ويصبر كل حد فقد مامته ويجعلها في الجنة وتكون راضية عنه ..ربنا يخليلكِ مامتك وتكوني انتِ كمان احن ام على ابنك وبنتك ...ربنا يعزك
لـــولا

عاشقه الرومانسيه said...

كده برضه يافكره تخلى ست الحبايب تبكى فى عيدها؟
ربنا يخليهالك يارب ويبارك لك فى عمرها
حلوه فكرة البوست يافكره هانم
(:
تسلم ايدك

عاشقه الرومانسيه said...

حمد الله على السلامه يااحمد باشا
لك شوقه والله
فينك من زمان ياراجل؟
مش بتيجى ليه؟
ابقى تعالى بقى
:P

Anonymous said...

كل سنه وامى وكل ام طيبه

мαησηα said...

بجد مش عارفة اقولك ايه ؟؟

انا عيطت من اللى كتبتيه

يارب يحمى ويبارك ف عمر كل ام

ويشفى كل ام ويخليها لنا

يارب اللهم اميييييييييييين

ويخليلك ماما يارب ويباركلك ف عمرها

بوسيهالى وقوليلها

كل سنة وهى بكل خير وصحة وسلامة وهنا

ويارب عقبال ماتشوفك احلى عروسة

وتشيل ولاد ولادك يارب

يارب اللهم اميييييييييييييين

adel said...

مممممممممممممممم
كل سنة و طنط بخير

والحقيقة بوست حلو جدا و في وقته
:)


انا رديت عليكي عندي و الفكرة اتعملت يا استاذة
:):)

dr.lecter said...

لازم اليوم ده مايعديش كده

richardCatheart said...

كل سنه ومامتك ومامتى وكل امهاتنا الحلوة بخير وصحه ويارب يرحم امهاتنا اللى فرقنا واروحهم فى قلوبنا

وربنا يخليك ممتك يارب وتفرح بكل نجاح انت فيه يارب

ومايحرمش حد من امه واللى اتحرم ربنا يعوضه خير بقلب يضمه

ملحوظه مئلوظه

ليها حق مامتك تدمع

تسلمى يافكره

تقبلى مرورى

حنين said...

ازيك يا فكره
الاطفال المحرومين دول ماتتخيليش بيوجعو القلب ازاى ربنا يسامح اهاليهم لو موجودين وربنا يخلى امهاتنا ويبارك لنا فيهم كل سنه وكل الامهات طيبين

Omar... [ خروشات ] said...

التوقيت بتاع البوست بصراحة يوجع... كأن النيشان مظبوط على وجع الناس او على محبة لناس

تحياتى لمن ادمعت عيونها للقراءة

Sad Angel said...

ياااااااة
بجد دمعت وخلاص لو كان البوست طول شويه كنت هبكى

ربنا يخليلك امك
ويخليلى امى يارب

تحياتى

محمد التركى said...

الأخت العزيزة رقيقه القلب
جميله المشاعر
مرهفت الأحساس
فكره
أنا فى كل الوصف ده مدتكيش ربع حقك فى الوصف اللى أنتى تستحقيه عن جداره
أنتى أنسانه طيبه جدا وحساسه
عندك قدره على قرائه قلوب الأخرين
التعيس منهم والشقى والفرح والسعيد المحظوظ
أنتى بجد بالبوست ده عبرتى عن مشاعر بكلامات قليله
يصعب وصولها حتى ولو بقراءة كتاب من الف صفحه
وبجد مش مامتك ربنا يخلهالك هى اللى دمعت لما قرءه البوست
أنا كمان دمعت وأكيد كل اللى شاف البوست دمع
بس ده راجع لحسن ترجمتك لمشاعر الطفل اليتيم التعيس
بجد تسلم أيدك
ويسلم أحساسك
ويسلم قلبك الطيب
كل سنه ومامتك وأمهات المسلمين بألف خير
تقبلى مرورى اللى مش الأول ولا الأخير بأذن الله

حبى *وودى *وتقديرى *لأحساسك *الجميل*

القمرالباكي said...

السلام عليكم
فالاول اتخضيت واستغربت اسم البوست والجمل الاولي وقلت ايه الكلام الغريب ده بس بعدين لما قرأت اكتر فهمته وبجد اسلوب جميل
الام افضل كيان واحساس ميتعوضش ابدا مهما بنزعل من امنا هي عنصر اساسي فحياتنا
كل سنه كل ام بخير
دومتي بخير

Anonymous said...

السلام عليكم
وأما بنعمة ربك فحدث
الحمد لله على نعمة الأم والأب
الحمد لله

أشكرك

just dream said...

والله يافكرة اقسى واصعب احساس فى الدنيا الناس اللى اتحرمت من امها بجد بجد مفيش اصعب على القلب من الاحساس ده ربنا يصبرهم يااارب ويرحم كل الامهات اللى توفاهم الله ويبارك فى عمر اللى عايشين ومايحرمنا منهم يااارب

Anonymous said...

السلام عليكم
جزاكم الله خيرا على الموضوع المهم جدا
الرسول صلى الله عليه وسلم يقول
انا وكافل اليتيم كهاتين فى الجنه
واشار باصبعيه السبابه والوسطي

احساس الحرمان من الام احساس رهيب وعشان كده كان مطلوب مننا اننا نراعى اليتيم
مهما كانت الام قاسيه احيانا فى بعض الامهات فهى من حرصها وحبها لاولادها
والام طبيعي انها حنونه طيبه
مش ممكن تتعوض ابدا حنيتها وقلبها الطيب

وده درس لينا كلنا اننا نحافظ على امهاتنا
نبرها ونرعاها
عمرنا مانزعلها
واى حاجه نقدر نسعدها بيها نعملها

ربنا يخلى لنا امهاتنا
ربنا يكرمك ويسعدك

-_- said...

اللهم اشفي امي

آه وكفى said...

ده انتي اللي نكدتي عليا يافكرة
والله الام ام لو فيها ايه امال ربنا خلا الدنيا تحت اقدامهم ليه

كل سنة وانتي طيبة


تحياتي

فكرة من الزمن ده said...

اسماء واحلام فى وجدانى

اهلا وحمدالله على السلامة يا احمد ويارب ما تغيب تاني ولا اي حد من مربع الشر وماما الفراغ علشان العيلة تكمل تاني

وكل سنة وكل الناس طيبين

فكرة من الزمن ده said...

إبتسامة ملاك


وحشتيني يانوسي

فكرة من الزمن ده said...

سمع هوص (Abo 3li)


ان شاء الله يكون يوم كله خير
نورت يابوعلي

فكرة من الزمن ده said...

لولا وزهراء


زهورة الشطورة
نورتيني واسعدتيني بكلامك وسلامك الاسكندراني وصل لست الحبايب

واكيد الام مهما كانت فيها عيوب هي الجنة في الارض
ربنا يبارك لكل انسان في حبايبه ويديلهم الصحة ويرحم والدك وكل اموات المسلمين


نورتي

صدى الصمت - عاشقة الورد - said...

أنا كمان إتأثرت قوى قوى لما قرأت البوست دة لأنى والدتى متوفية وحسيت بمعنى ال قلتية جداً
أحييكِ على الفكرة الجميلة
وكل عام والأمهات كلها (وأنا من ضمنهم )
بخير وصحة وسعادة

فكرة من الزمن ده said...

Ms Venus


اشكرك يافينوس واسفة لدموعك

فكرة من الزمن ده said...

لولا وزهراء


ياااه يالولا ميرسي ليكي ياقمر على الدعوة الجميلة اوي دي تسلمي يارب
---------------

فكرة من الزمن ده said...

عاشقه الرومانسيه


والله يا دودو ما كنت اقصد بس هي ابتسمت وقالت لي انا بقى مين فيهم
قلتلها فشر
زيك مافيش ياقمر

فكرة من الزمن ده said...

7annen

وانتي طيبة يانينو وحشتيني

فكرة من الزمن ده said...

мαησηα

يارب امين منونا يارب
يسمع منك ويحمي كل الامهات ويبارك فيهم ويعوض قلب كل محروم من ام او اب
وبوستك العسل وصلت

فكرة من الزمن ده said...

adel

وانت طيب يادولا وطنط هي كمان بخير
وانا هاتحسد اليومين دول دولا بيقول اني باقول كلام كويس
يادي الهنا يادي السرور

الفكرة اتعملت طيب انا كنت فين
محدش قالي طب انا كنت اتولدت ساعتها ولا لسة

فكرة من الزمن ده said...

dr.lecter

اومال يعدي ازاي
اصلك الدنيا زحمة طيب اوصفلنا

فكرة من الزمن ده said...

richardCatheart


وتسلمي انت كمان ياريتشارد
وكل سنة وكل المهات بخير
والملحوظة ليه مئلوظة
ههههههههه
يسعدني مرورك

فكرة من الزمن ده said...

حنين

معاكي حق يانوني والله ربنا يسامحهم

فكرة من الزمن ده said...

Omar... [ خروشات ]


تحيات حضرتك وصلت ومعاذ الله اني اكون انشن على اوجاع الناس
لكن تقدر تقول انها جرس صغيور يمكن لو واحد بس قرا كلامي وغير فيه حاجة اكون اسعد واحدة
تحياتي لحضرتك

فكرة من الزمن ده said...

Sad Angel


الحمد لله انه ماطول ولا خلا دموع الملاك تنزل
نورتيني

فكرة من الزمن ده said...

محمد التركى

اشكرك يا محمد على كلامك الجميل واتمنى انه يكون استاهله
وسعيدة ان الكلام اتحس زي ما انا حبيت اوصله

تحياتي

فكرة من الزمن ده said...

القمرالباكي\\

هههههه
انا اسفة ياقمر اني خضيتك
وتسلمي وكل سنة وكل ام طيبة
نورتيني

فكرة من الزمن ده said...

أحمد شريف

الحمدلله على نعمة الاب والام
اللهم لك الحمد والشكر
نورت

فكرة من الزمن ده said...

قول ياااارب

فعلا احساس مر يا سمسم والله ربنا ما يتكبه على حد

فكرة من الزمن ده said...

م/محمود فوزى

صدق رسول الله صلى الله عليه وسلم
فعلا الام لايمكن تتعرض
وربنا يقدرنا ونحسن للايتام في اي مكان ونقدر نعوضهم ولو جزء بسيط من احساس الحرمان من الحنان
نورتني

فكرة من الزمن ده said...

Sharm

يارب يشفيلك امك ويطمنك عليها ولا يحرمك منها ابدا

فكرة من الزمن ده said...

آه وكفى

ايه ياكوكي كده خضيتيني ربنا ما يكتب النكد على اي حد يارب
وكل سنة وكل الامهات بخير يارب

فكرة من الزمن ده said...

صدى الصمت - عاشقة الورد -

انا اسفة بجد
وربنا يرحمها
ويعوضك الحنان بالحنان اللي بتديه لاولادك
وكل سنة وانتي بالف خير يارب

Anonymous said...

الحمد لله على كل حال

وربنا يخلي لكل واحد والدته ويخليه ليها

Unknown said...

فعلاً ما بيعرف
قــــيمة الشىء
الأ المحروم منه
وياما زعلانا من
كلامنا أمنا زمان
وماعرفنا قيمة كلامها
الا بعد فوات الأوان وللأسف.
ربنا يحفظلك الوالدة يارب.

سَارةٌ said...

ربنـا يخيلي كل أم ف الدونيا دي لولادها

فعلا احساس صعب انك تعيشي من غير ام

مهما كانت فهيا احن قلب عليكي ف الدونيا

تسلمي يافكره

سجود said...

فكره ازيك وحشتيني
عامله ايه
بجد الموضوع مؤثر اوي
ويارب يخلي كل ام في الدنيا لاولادها

رحلتنا في الحياة said...

على فكرة مفيش ام فى الدنيا بالصفات دى
الام مهما اختلف شكلها او تفكيرها او تعليمها متقدرش تكره ابنها ولا تقسى عليه
سبحان الله ربنا خلقهم كده
ربنا يخلى كل الامهات ياااااارب

فكرة من الزمن ده said...

star in the sky

اللهم امين نورتيني

فكرة من الزمن ده said...

norahaty

اكيد ناس كتير عدت بالموقف ده ربنا يعوض كل انسان عن فقد امه واحباؤه
نورتي يادكتور نورا

me