ياريتهم ماصلو ا ع النبي

ياريتنا ما نصليش على النبى....
بالراحة اللى كان هيحدفنى بحاجة يستنى شوية....

أوصانا الحبيب عليه أفضل الصلاة والسلام أن نكثر من الصلاة عليه ومن صلى عليه صلاة صلى الله بها عليه عشرة..
ومن ذكرياتى الجميلة ان جدتى لما كانت تحكيلنا حدوتة تقول دايما صلوا على النبى الأول..
أو مثلا وانت ناسى حاجة تصلى على النبى عشان تفتكرها..

لكن فيه بعض المواقف باشوف الناس بتصلى على النبى واقول ياريته ما صلى عليه
دى كارثة فى حق النبى ..

مثلا
- واحد منحرف بيعاكس واحدة يقوم ماسح مسح جغرافى لكل تضاريسها بعينيه ويقول اللهم صلى على جمال النبى .. بقى ده ينفع؟


-واحد عاوز يوصل لك رسالة انك لازم تسيب حقك وتاخد على دماغك وتسكت أو بتنهى عن منكر وهو بيوصلك انك تكبر دماغك..وخلى بالك بقى ان عندنا أصلا الساكت عن الحق شيطان أخرس..
يقوم يقولك ياعم صلى على النبى

-واحد بيفتح معاك نميمة وهتحلو القعدة وانت بتقوله يا عم دع الخلق للخالق يقولك سيبك انت وصلى على النبى ده كيت وكيت وكذا وكذا

- لا لا والافظع بقى زفة فى فرح والكل ناسى يلبس هدومه والراقصة الفاميلى سايز تترنح والكل يصفق صلى على النبى صلى على النبى او صلى صلى واللى ما يصلى مش عارفة ابوه ايه وامه ايه.....

يا جماعة ده ينفع
النبى بيتغنى باسمه فى افراح شعبية بيئة ؟؟!!

- طيب دول ناس بيئة مثلا وياى منهم.
الناس بقى اللى مش بيئة فى اول الفرح (والكل بردوه بينسى يلبس هدومه صيف وشتاء) تلاقى هشام عباس يغنى اسماء الله الحسنى والناس آخر خشوع....وأول ما يقول اللهم صلى على أسعد مخلوقاتك هوباااا تلاقى الكل بيتمايل ويصفق والبعض يرقص..فيه ايه ياناس
ولا اللى بيرقصوا على اغانى سامى يوسف واللى برده بيصلى فيها على النبى..
ياجماعة لازم ذكر النبى صلى الله عليه وسلم يكون له احترامه وآدابه ماينفعش نقرنه بافعال غير مناسبة له.

ارقصوا على حكيم او العنب لكن كله الا ذكر النبى..

وعلى فكرة اللى نبهتنى للنقطة دى صديقة نصرانية أعتز بها جدا كانت مستغربة من ان المسلمين لا يحترمون ذكر نبيهم بالقدر الكافى رغم أنهم بيقولوا أنه أعظم رجل فى البشرية..
مهما اختلفت الافكار او كان لنا اى اعتراض على كلامها ولكن فعلا نحن نحتاج لتنزيه نبينا عن مجالس اللغو ونخشع فى ذكره صلى الله عليه وسلم..

لكن لو كنت واحد من دول فأنا برجوك من فضلك....
والنبى.....اوعى تصلى ع النبى
.
.
.
.
وعذرا يارسول الله

اللهم صلي وسلم وزد وبارك على سيدنا محمد سيد الخلق اجمعين

بقلم حبيبتي

بوكي اجمل واجمد صحفية في المحروسة

ام للبيع

عايز اشتري ام

ام بخيلة

ام غير متعلمة

ام قاسية المشاعر

ام سليطة اللسان

ام مش شيك

دايما شعرها منكوش

دايما مشغولة عن اولادها

ام لا تعرف معنى الاختلاف

ولا معنى كلمة وجهة نظر

ام بتكرهني

ام دايما تقولي ذاكر وتنكد عليا

ام دايما تقولي ممنوع تنزل  الشارع

ام دايما تقولي ماتلبسش اللبس ده

ام بتحب اخويا اكتر مني

ام حنقة

الي عنده ام فيها العيوب دي ودايما  بيزعلها وينزل دموعها

يبيعها وانا اشتريها بس يكون عندي ام

الكلام ده حسيته في نظرة طفل  في الشارع وهو بينظر لام وابنها وفضل معلق نظره عليهم 

وفكرني بكل شكوى اشتكاها حد  مرة قدامي من امه وهو فاكر انه اتعس مخلوق انه ليه ام فيها عيب من العيوب دي

على اختلاف مراحل العمر

تخيلت على طول الطفل ده بيقول انا راضي بام فيها كل العيوب دي بس يكون لي ام

الي كل ام كل سنة وانت طيبة وبخير

والي امي يارب يخليكي يا اجمل ام في الدنيا

واحن ام في الدنيا

ملحوظة

ماما دمعت لما قرت البوست 

اسكندرية باختصار (1)اسكنننندرية

اسكندرية اميرة

جميلة  فاكة الضفيرة

عروسة فستانها دهبي

سارقة  بجمالها قلبي

اصلي واحمد ربي

خلقني بين سماها و ارضها

اتمتع بجمالها وبحرها

ولو لفيت كل الدنيا

ماختارش غيرها ابدا

اسكندرية الماريا

ولا تحلا في عيني غيرها

شيراتون فلسطين النصر

و تمشية ع البحر

بعد العصر

عبريال السوق ومحطة مصر

غروب في الشاطبي

وشروق في ميامي الفجر

في الصيف زحمةخنقة

في الشتا دماغ عالي وروقان

ورملة ناعمة صفرها زعفران

ابراهيمية وسوق شيديا

سوق الجمعهة شارع سوريا

سوق خيط

سوق مغاربة

سوق الورق

حكاوينا وكلامنا

وشبابيك جيراننا

وشارع الميدان

جبنة تركي

فلافل

جمال عبد الناصر

ارض المحمرة

طريق الجيش والمندرة

كباري وجناين

صخور وكباين

وابور المية

عجمي

سيدي بشر

عصافرة

طوسون معمورة

ابو قير

سموحة

كيلو باترا

الجامعة

كامب شيزار

ابراهيمية ..نقراشي ..فيكتوريا

منتزة ..سلاملك ..حراملك

سرايا ..ايزيس ..لاجيتيه

محطة الرمل

غيط عنب

كرموز

دخيلة ورديان

القلعة ..الجمرك

السيالة

الانفوشي.. قاعود.. راقودة

درويش.. ووالي.. وريحاني

وليالي دايما مسهراني

السرايا

سان سفانو

ستانلي

لاجيتيه

سور  بحر

جليم

لسان دايس جوة مية جليم

ميامي غرامي

مرسومة سنين قدامي

تنيس وطيبة

بورسعيد

الجيش

مصطفى كامل

بير مسعود

يضرب في قلبه موج
ويرد تاني يعود

الشلالات

شارع فؤاد

المنشية

وشارع فرنسا

 والمطافي

وعراقة مرافي

حارة اليهود

قبر الجنود

مجهولين

منقوش عملهم في لوحة الخلود

شارع الجزاير

فلل عماير

فنار سفينة

ريحة زفارة

جوبياوسنارة

حلقة سمك

صياد وشبك

كوم دكة وشقافة

خد عندك

فسلفة معرفة ثقافة

العامود والساعة

وساعة الزهور

مكتبة وتاريخ عريق

فراعنة رومان اغريق

قناديل جوامع

دخان مصانع

جندوفلي جلاجولا ام الخلول

سبورتنج  سكواش و سباق خيول

مولد جابر.. ابو العباس وبشر

رتسا وترسا 

يخوت ومرسى

فشارع فرنسا

صفين قماش وخشب

ده غير محلات الدهب

شارع النصر زنقة ستات

فاروس

عليها حارس

ازاريطة على وش الخريطة

باكوس وراس سودة

وغبريال

عامود سواري

بحرية وقاعدة عسكرية

ادكو الطابية والمعدية

المكس الدخيلة والعامرية

بيطاش هانوفيل

كنايس اجراس

مينا البصل ومتراس

ترام صفرا وزرقا

تاكسي اصفر
وقطرومشروع

 ايييووووه..
كده حنخرجو عن الموضوع

سور بحر وفرس

وسكواش وحرس

نادي سيارات

وصيد ونادي ظباط

وشرطة وقضاة

معلمين مهندسين

لشط وسط البلد محتلين

نتجمع فيهم محتفلين

باي حاجة وكل حاجة

                                                       لوران مصر للطيران

اقبال بنوك

سيزوستريس رميسيس ايزيس

صحبة صحاب

ماشيين وعند عزة

واكلين جيلاتي

سهرانين

وفي الشيخ وفيق على رز بلبن

معزومين

مش مهم هيدفع مين

يوم عليك الدور وبكرة الدور على مين

في المكتبة قاعدين يذاكرو يناقرو

بصوت وااااااااااااطي

مدؤدبيييييييين

ضحكة صافية

لقلب صافي

وصحبة دافية وحقد مافي

في رمضان شوارع

بزينة وانوار ملعلعة

وفانوس منور

وبلكونات متدلعة

(يتبع لسة ماخلصناشي)

خربشة

غرفة نصف مظلمة

طاولة من الخشب

فنجان قهوة ساخن

مدفأة قديمة

موسيقى هادئة تكاد تسمع

مجموعة من الاوراق

وقلم في يدي

كل الاجواء مهيأة

لترجمة احاسيسي على الورق

ولكن القلم يابى ان يسير امامي على الورق

والاحسايس تهرب

الاحقها في راسي فتتوارى حتى انني لا اتذكرها

تتبخر

وتخلف شعور مبهم بالمرارة

كل ما اشعر به انني مهمومة

ولا استطيع

بالضبط

هذا ما حدث منذ 3 ايام

فرحت وفرحت حتى انستني الفرحة وحلاوتها المفتقدة

سبب فرحتى

فقلت لايهم الاهم اني مبسوطة

لكن الان اتمنى ان افهم

او اتذكر

ما سبب

حالة الحزن 

والعصيان

عصيان كل شيء

عصيان عقلي على الاندماج

في الاحاديث والثرثرة المحيطة بي

 وعصيان النوم على عيني

عندما قررت ان اترك غرفة مليئة بالضوضاء

واحاول النوم

نظرت للطاولة وامسكت بقلم استعصى على القيام بمهامه

وحفرت خطوطا على الطاولة ازلت الطلاء

حتى رايت خطوطا خطتها السنوات

في عمر شجرة الاوك

او السنديان

وجدتني

اتامل خطوطا رفيعة

لزرعة خضرا نبتت واستوت فصارت شجرة

عمرت من الزمن سنوات 

خلدتها بحلقات رسمتها على جذع من خشب صلب

سنوات عشاتها 

في صمود مواجهة ايام ممطرة 

ومشمسة وعاصفة ومتربة 

وهي كما هي لم تتغير

ظلت صامدة صامتة

ادت مهام خلقت من أجلها

عاشت نافعة

حتى بعد موتها

يستمر نفعها

كلنا قد نكون 

تلك الشجرة

لكن نحن البشر

قد يكون اذانا وشرنا اكتر من نفعنا

والموت وحده 

من يرحم اخرين من آذانا 

او  أذاء  الاخرين لنا

اللهم اجعلنا ممن تنفع بهم 

ولا تجعلنا من يمتد آذاهم بعد موتهم

كيس السعادة

معذرة للردود على التعليقات
ساعود للرد عليها وزيارة كل الناس اللي قصرت معاها سمحوني مؤقتا

مقال اعجبني

اردت ان تشاركوني فيه لجمال كلماته

وجمال من كتبه

بقلم 

احمد حلمي

اييييييوة احمد حلمي

ابو لي لي

أ-ابدأ بسم الله الرحمن الرحيم كتابة مقال اسبوعى

ب-بداية من النهاردة ..اللى هو
ت-تقريبا كل يوم
ث-ثابت من كل اسبوع
ج-جايز أكون
ح حابب موضوع الكتابة ده او جايز اكون..
خ-خايف ..أصلى عملت لنفسى امتحان زى ما انتوا شايفين ..امتحان حروف ابدا بيها الكلام ..واشوف ياترى الكلام هيكون زى العجينه بين ايديا والا هايكون زى الصخر اللى بيكسر مسجون محكوم عليه بالاعدام
د-ده اللى هاعرفه دلوقتى لما اوصل لحرف "الذال "..اصله حرف صعب لما تبتدى بيه الكلام فمن اجل ..
ذ-ذلك عملت الامتحان اللى واضح إنى عديته منه وداخل على حرف الراء

 

ر..رابعا على اعتبار ان ما فات كان اولا وثانيا وثالثا
ز-زى ما انتوا شايفين بحاول انجح نفسى فى الامتحان اصلى حابب اكتب ومش عارف هاكتب فى ايه !
س-سياسة ؟!جايز
ش- شماته مستحيل
ص-صدق ..أكيد
ض-ضرورى هالاقى ..
ط-طريق وبالرغم وبالرغم من انى كنت
ظ-ظانن ان الوضوع شهل او ان الامتحان سهل وده مش باين الا إن انا لسه
غ-غموما اقصد عموما معلش عدوهالى لصعوبة ايجاد كلمة ..مانا برضه مش لازم اجيب ميه
ف-فى الميه فى الامتحان اللى عملته لنفسى ده
ق-قد اقتربت من النهاية ولم افقد الامل ولكننى وجدت ان
ك-كتابة مقال
ل-ليس بالشىء السهل او ابسيط وده ربما يكون
م-مستحيل ..المهم
ن-نرجع مرة تانية للى باكتبه حاسس انى اخذت قرارى خلاص ..مش هاكتب ..الامتحان حقيقى صعب اصلى مش عارف
ه-هاكتب ايه ؟
و-ولذلك
ى-يؤسفنى ان اقولكم لكن ال ..ال ..ايه ده ..انا وصلت للحرف الاخير انا خلصت ال 28 حرفا ..انا عديت من الامتحان ..انا هاكتب هاكتب هاكتب

والان ماذا اكتب ؟او بمعنى ادق بماذا ابدا ؟بالرغم ان عدد الكلمات العربية آلافات مؤلفه ليس لها حصر ..الا انها من اصل 28 حرف اى كلمه عربيه هاتقولها او عايز تقولها او لسه ما فكرتش تقولها او هاتخترعها لازم تكون من اصل 28 حرف ..سواء بقى كانت كلمه شكر او شتيمه او كلام صحيح او مغلوط ..كذباو صدق .كره او حب شرف او خيانه علم او جهل فوز او خساره حرب او اسلام مع او ضد فوق او تحت نار او جنه شباب او شيخوخه كل الكلام كل الكلام لازم يكون من اصل 28

سأبدأ بحروف ثلاثة، لو اجتمعت لكونت أجمل كلمة محببة إلي قلبي.. وإلي قلب كل مصري.. سأختار من بين الحروف الثمانية وعشرين ثلاثة أحرف (الميم - الصاد - الراء).. إنها مصر.. حبيبتي




كم أكون مشفقا علي هؤلاء الذين لا يرون جمال المصريين، وإن كنت لا تعرف من هم المصريون.. دعني أخبرك.. ليس عن تاريخهم الذي يملأ آلاف الكتب، ولا عن حضارتهم التي تمتد إلي آلاف السنين، بل عن صفاتهم.. دعني أخبرك عن نفوسهم وأرواحهم التي تشبه الماء..








نعم.. المصريون كالماء.. صافون.. تري ما بداخلهم دون مجهود، وإن أردت أن تري الماء.. إنه هذا الشيء الذي لا لون له ولا طعم ولا رائحه.. إذن فامتنع عنه.. ولتمت عطشا.. دعني أخبرك عن لونهم القمحي كسلاسل الرمال الناعمة.. نعم.. المصريون كالرمال الناعمة.. دعني أخبرك عن قلوبهم البيضاء.. المصريون لهم قلوب بيضاء كالجبس الابيض.. نعم.. المصريون كالجبس.. هل تعرف الجبس؟.. دعني أخبرك عنه.. إنه هذا الشيء الناعم الرقيق ذو الذرات البيضاء متناهية الصغر.. التي لو تحدثت بالقرب منها، ربما يتناثر نصفها، ولكن.. إياك ان تراهم غير ذلك..




إياك أن تظن أن صفاتهم الجميلة ما هي إلا ضعف.. هنا لن اتهمك بأي شيء آخر إلا بالغباء،




وسأوضح لك.. سأقول لك أجمل ما يتمتع به المصريون لحظة الشدة..


إليك ما يفعله هؤلاء الصافون القمحيون الناعمون إذا ما اقترب أحد من أمهم..




هل تعرف ماذا يفعلون.. يتحدون.. يتشابكون.. يمتزجون ويخطلون..


هل تعرف ماذا يحدث اذا ما اختلط الماء بالرمل بالجبس؟..




يصبح حجرا قويا، وبمنتهي السرعة يصبح صلبا لا يقوي أحد علي تفتيته..


هل تتخيل حجرا بحجم ثمانين مليون مصري؟.


. نحن مختلفون، ولكن عندما نختلط نصبح شيئا واحد صلبا..


عندئذ يختفي الماء بصفاته.. ولا يبقي الرمل علي لونه، ويتحول الناعم إلي خشن.. لن تري إلا حجرا يهبط عليك،




. نحن المصريون.. الفراعنه.. في الحضارة والصفات..


نحن أصحاب الأهرمات.. أبو الهول يسكن عندنا.


. نحن الفراعنة.. إن إتفرعنا، لن تجد من يوقفنا..

هذه رسالة أرسلها لكم.. أنتم.. يا من يبدأ اسمكم بحرفين ليس لهما مدلول إلا علي الجز.. والجز هو فعل يفعله الجازز.. أي المتغاظ والحاقد.. أيها الجازون.. جزوا علي ضروسكم حتي تتكسر، ولكن فليبقي جزكم هذا في جزائركم.. وإلا لن تنالوا منا إلا جزاء.... كم.

.

لو حبيتم
تعرفو ايه حكاية كيس السعادة ممكن تقرو المقال الكامل هنا

منتخب الساجدين بحبكم

رجل وامرأتان

فتحت عينيها على ضحكات

متواصلة

خطوات متلاحقة

الا تشتاق الي؟

مرة تراني

واشبع عيني من رؤياك

لماذا دائما خطواتك اطول من ان تنتهي ببابي

تحملك مسرعا

مرتقيا درجات السلم

وهذه المرة

لست وحدك

انها معك

وجهتكم الركن الهادئ بالحديقة

خلف نافذتي ارقبك

.........
.

تلتقيها

في الحديقة

تمازحها تبثها اشواقك

تمسك بيدها

تتدلل عليك

بحب تدللها

تلفها بعبائتك

تحميها من نظرات مارة

لا وجود لهم

تطعمها شهدا ملئ كفيك

حبيبي

تطل السعادة من عينيك

حسنا

فلتسعد

اطلب ممن خلقنا انا وانت

انت تسعد وتسعد حتى تكون اسعد من في الارض

لكن

بالم

لنفسها

نسيت حبي لك؟

خوفي عليك

ليالي سهرتها لك

احببتها ونسيتني؟

نسيت

دفئ بيتنا

تبدل زمهرير

من لي في الدنيا

غيرك

نسيت من دللتك

واحبتك؟

وحملتك بين قلب وضلوع حولا الا شهور؟

لا تنساها

أووسي .. النووسي..كبانووسي

كنت باكتب حاجة تانية خالص

لكن

حبه دخل قلبي من اول نظرة

اووسي... النوووسي ...كوانووسي

لقيتني عمالة ادقق فيه واقوله







سبحانه من ابدعك وخلقك في اجمل منظر

كساك توب تلج ابيض و ديل جاه ماشي بيه تتمختر

جبت الحلاوة دي منين نظرة عين بتبهر

جمالك دخل قلبي وخلاني اتوه في حكمته افكر

هو انت يعني عارف انك جميل وبتتمنظر

وحامد ربك على نعمته وليل نهار تشكر

ولا انت ماشي في الدنيا تايه وبمزاج متعكر

بتقول اعمل ايه خلقتني الدنيا كده جميل المنظر

زيك احنا البشر ننسى جمايله علينا

وندور ايه مش في إدينا ونتحسر

اتمنى منكم الدعاء والسؤال

تحديث

غرام عملت العملية الحمدلله
وبتشكر كل اللي دعى ليها وهي في انتظار تحديد نوع العلاج واكيد احنا هانستمر في الدعء ربنا يرجعك بالسلامة يا غرام

تنويه
اخت كبرى وزميلة عزيزة في عالم التدوين في ازمة
اسالكم لها الدعاء والسؤال عليها
هي الاخت ايما صاحبة مدونة غرام
وانا واثقة في ان كلنا بتجمعنا قلوب جميلة اوي ومش بنتأخر اننا نقف الي جانب بعض ولو معنويا

واستأذن ابنتها رنيم في نهشر البوست عندي والتعليق والدعاء يكون في مدونة غرام

لقد أصيبت أمي بورم خبيث أكتشفته فجأة ليلة العيد ،،وقرر الأطباء إزالته غدا الساعة التاسعة صباحا ،،،،،،أرجوكم ان تتذكروها بالدعاء،،فهي الآن بين يدي الرحمن الرحيم الشافي العافي،،،وأسألوا عنها فأن نفسيتها تتحسن كثيرا بسؤالكم عنها سواء على صفحتها (((إيمان قنديل ))) على الفيس بوك ،،أو على الهاتف ،،،،أرجوكم ألا تنسوها غدا بالدعاء وأن يوفق الله الأطباء،في العمليه ،،وتقوم لينا بالسلامه يارب ،،،ويارب ما تشوفوا ابدا حاجه وحشه في صحتكم واولادكم واحباءكم يارب


ارجوكم ادعوا لها عسى ان تكون ابواب السماء مفتوحه ويتقبل منكم الله العلي القدير



------====

رنيم النمر



للسؤال عليها في مدونتها كلام نسوان

كل سنة ورمضان بخير

كل سنة وانتو احنا طيبين اوي زي ما احنا
والسنة اللي جاية احلى م النهاردة وامبارحنا
ورمضان عليكم بالخير يارب
ويارب الاقي وقت اخد الفانوس بتاعي والف عليكم واحد واحد في البوج بتاعه واخبط اقول له كل سنة وانت طيب
واخد العيدية كمان
واكيد اول واحدة ماما الفراغ