اي كلام مكتوب هنا

مش بالضرورة حالة شخصية للكاتب
فرجاء اننا نشوفه
مجرد عمل فني بيوصف حالات بنشوفها حوالينا في الحياة مش اكتر

Followers

Friday, March 05, 2010

أفكار وتحديث

تحديث: عرفت من مشمشة المشمشية ان دولا ليه عيد ميلاد زينا فحبيت اقوله كل سنة وانت طيب
وعقبال لما تحقق حلمك اللي قرفتها بيه
بجد بجد وممن غير هزار وتقل دم
دولة ده من ناس اللي دخلت قلبي جدا ومن غير سبب يمكن لانه رخم شوية
ويمكن كمان لانه عنده حاجة كده مش كويسة اسمها مبدأ بس ..اهو ماشي حاله
ويمكن لانه في عيب جامد جدا اسمه الصراحة
وعيب تاني اسمه عدم المجاملة لكن ينفع وقت عوزة
وعموما مبناسبة عيد ميلاده انا مسمحاه على كل العيوب دي
لكن العيب اللي مش ممكن اسامحه عليه  احمد السعدني
لكن اهي الحسنة الوحيدة لاحمد السعدني
وطبعا هو عارف اني باقوله كل سنة وانت طيب طمعا في سندوتش الكبدة الاسكندراني من هوهو
ونقلب بقى للرومانسية تاني اللي في البوست


استعمرت افكارك عقلي
فتوسدت همومي قلبك
افرغت فيك حناني المشحون
فتجرعت كأسا من الشهد المر 
كلمات باحساس لم يفتر
ان اختارالوليد اباه فانا لم اختر
حبا بربوع القلب سجل امتلاكأ وأشهر
كلما ارتوى منه ..إزداد واستكثر
وانتشى بالحب الجميل وأكبر
فانهارت حصون القلب وحياءا تبخر



ملحوظة مهمة جدا
الحياء هنا مقصود بيه حياء البنت من التصريح بحبها ومش اكتر من كده في اطار كمان

26 comments:

لولا وزهراء said...

اول تعليق ده حجز بس مش اكتر

زهراء

لولا وزهراء said...

فكره الجميله
--*-*-*-*-

عنوان البوست هو عباره عن كلمه واحده احتوت بداخلها الكثير والكثير
الصوره بقى تعبر عن افاكر كتير اوى اوى اوى

عارفه كلمة ايتعمرت افكاكارك عقلى يعنى افكاره دخلت بدون استئذان فجاه كده وجدتى الافكار جوه عقلك انتى تحفه التعبير ده ...
يااااااااااه على توسدت همومى قلبك ياااااااااااربى هو فى مشاعر كده فى الدنيا

مش عارفه ليه حاسه ان كلماتك قريبه منى اوى
يمكن لانى مريت بتجربه بكده برضه شبه كلامك ده اوى اوى
ويمكن كل حرف من حروفك بجد بيعبر عنى اوى بس موضوع الحياء ده حكايه لوحده
يعنى انتى بقى قررتى تقولى او الموضوع يفضل محلك سر
بصراحه عندى رأى غريب عجيب لو فعلا بتحبى قولى ومش تخافى الموضوع مش حياء او عدمه لكن لو واثقه فعلا فى الحب والمشاعر دى وواثقه فعلا انه يستاهل الحب ده قولى ومش تخافى فى حاجات فى حياتنا لازم على راى حماقى دووووس خد قرار جت يا مجتش

اتمنى لكى السعاده والخير


زهراء

كيــــــــــــارا said...

كلما ارتوى منه ..إزداد واستكثر
وانتشى بالحب الجديد وأكبر
فانهارت حصون القلب وحياءا تبخر


الله بجد

كلامك وصف حاجات كتير اوووووووي

حنين said...

ازيك يا فكره
كلماتك حلوة ومعبره اوى رغم بساطتها الا انها تحمل معانى كثيره
دمتى بكل الحب والود

7annen said...

حلوة اوى مليانه معانى جميله
كلامك بيعبر عن جماله تسلم ايدك

adel said...

مممممممممممم
كلما ارتوى منه ..إزداد واستكثر
وانتشى بالحب الجديد وأكبر
فانهارت حصون القلب وحياءا تبخر

لا جامدة قوي الجزئية دي
تستهلي عليها مثاثة حجم عائلي
وشنتوشت كبدة من هوهو
:):)

إبتسامة ملاك said...

وحشششششششششششششششتينى اووووووووووووووووووى

فيييييييييينك كل دا ياقمر
يارب تكونى بخير ويطمنى عليكى يارب حبيبتى

إبتسامة ملاك said...

انا حجزززززززززززززت

وهرجع تانى

سلاموزات مؤقته
امووووووووووواه

سمع هوص (Abo 3li) said...

"ان اختارالوليد اباه فانا لم اخترحبا بربوع القلب سجل امتلاكأ وأشهر"

يريت كان الواحد بيختار من يحب



تحياتي علي الكلمات الجميلة

Ms Venus said...

جميلة اوى

تسلم ايديكى


تحياتى ليكى

Anonymous said...

فكره جميله

Anonymous said...

ابونابرت بسلم عليكى اوى اوى
وكان عايزك معاه فى الحملة اللى عنده

فتاه من الصعيد said...

خجل القلب غير خجل اللسان :)

عموما افكار جميله واحساس اكثر من جميل بشويتين تلاته

تحياتي

richardCatheart said...

صباح الفل
ياخبر ابيض ايه الاحتلال دا
احتلال جميل اول مره احس ان فى احتلال جميل
حبا بربوع القلب سجل امتلاكأ وأشهر
كلما ارتوى منه ..إزداد واستكثر
وانتشى بالحب الجديد وأكبر
فانهارت حصون القلب وحياءا تبخر
كان نفسى اهدى الكلام دا لحد بعينه
بعد ازنك يافكره بس للاسف اللى هاهديهله مالوش فى المدونات
بجد تسلمى وشكرا على الحاله الحلوه اللى عايشتهالى على الصبح جمييييييييل


ملاحوظه مئلوظه انن بعد ازنك طبعا
من حقك انك تشرحى كلمه معينه او تحاولى تبينى مغزها فى ضميرك
بس الاجمل انك تسبيها زى ماهى وكل حد يشوفها بعنيه
زى الرسام بيرسم فى اللوحه كل احاسيه او بعضها وكل واحد بيشوفها بعنيه بتجربته علشان توصله اكتر ويحسها اكتر
ويبقلها طعم خاص عنده
تسلمى على الكلام الحلو
تقبلى مورى

adel said...

بتهزري
:):):)
ميرسي قوي ليكي
وانتي طيبة
ويسمع منك ربنا
:):)

بجد ميرسي جدا جدا جدا
ولو العيوب دي كانت مشكلة مكنتش عرفت ناس زيكم عندها بعض من تلك العيوب
:):)

thunder said...

ممممممممممم طيب انا اخر حد طيب مش معلق ولا هقول البوست حلو جدا ولا عجبنى اوى جملة

استعمرت افكارك عقلي فتوسدت همومي قلبك

بجد جامدة اوى اولا حمد لله على سملاتك وثانيا كل سنة وانت طيب يا دولا
ثالثا الواد احمد بيعلق ليه باسم anonymous
اختى العزيزة دمتِ يارب بكل حب و ود وفى رعاية الله وحفظه دائما يارب

dr.lecter said...

محظوظ عيد ميلااده جاي مع حفله الاوسكار

دوله ده شقيقي في الثقافه السينمائيه البطيخيه

مي said...

كلما ارتوى منه ..إزداد واستكثروانتشى بالحب الجديد وأكبرفانهارت حصون القلب وحياءا تبخر
جميلة الكلمات اوى اوى اوى يافكرتى احساسك عالى فيها
وكل سنة ودولا طيب
وطبعا اى حد اسكندرانى يعرف هوهو بتاع الكبدة ده المجمع كله بيهوهو منه ههههههههههههههه
تحياتى ياقمر

momken said...

حلو اوى البوست ده

وكلماتك اكثر من رائعه

لولا تلك الملحوظه

ورغم ايمانى الكبير بحريه القارىء فى فهم ما يحب ويتمنى
الا انى مستمتع جداً بما تبدعين

تحياتى

gmr14 said...

"كلما ارتوى منه ..إزداد واستكثر
وانتشى بالحب الجميل وأكبر
فانهارت حصون القلب وحياءا تبخر"

الله اكبر الله اكبر..
تحية عطرة على الكلام الجميل..
وبالفعل الورد الجميل لا يفوح الا عطرا..
دمتي بخير..

فكرة من الزمن ده said...

لولا وزهراء

مبروك اول تعليق يازهراء ومنوراني

ميرسي قوي على كلامك وتحليلك للبوست

اما بالنسبة لرأيك فهو مش عجيب غريب او شيء
كل انسان ليه طبيعة
ولو واثقة في الحب قولي
وده اللي حصل من خلال الكلام عندما تداخلت الافكار وحمل بقلبه همومها واصبحت همومه
وتأكد معنى الحب
اصبح لا مانع من التخلي عن الحياء والاعتراف بالحب
اسعدني كلامك
تحياتي




============

كيــــــــــــارا


كيورتي الامورة

سعيدة ان كلامي وصف حاجات كتيرة اووي

تحياتي ياقمر



============

حنين

ازيك انتي يانينو

اشكرك


=========
7annen


نينو كمان
الله يسلمك ياقمر

===========


adel


دولة فين المثاثة ام صفارة
شكرا يابوس

==========

إبتسامة ملاك

انتي وحشتيني اكتر يانوسي والله
فينك انتي بقى حجزتي ومارعتيش

===========

سمع هوص (Abo 3li)


فعلا مش اختيار
اتمنى لك السعادة
تحياتي


============


Ms Venus

انت الاجمل ميرسي ليكي ونورتيني

============
Anonymous

ممممممممممم
ممماشي
راجع أمتى حضرتك


============

فتاه من الصعيد

القلب هو من يحرك اللسان
والعلاقة بين خجل القلب واللسان طردية
مودة اتنين تلاتة ليكي يامروة وتحياتي

============

richardCatheart


صباح النور

الكلام منشور واتفضلي اهديه لمن تحبي
واتمنى لكي السعادة
وسعيدة بتغيير مفهوم الاحتلال لديكي
وسعيدة اكتر بالحالة اللي عيشتاليكي


ملاحوظه مئلوظه انن بعد ازنك طبعا

D:D:D:D:D

اتفضلي
كلامك مظبوط
ولكن شرحت الكلمة دي فقط
حتى لا يفهم كلمة الحياء هنا مفوم اخلاقي غلط
لاني استخدمت لفظ اكبر من مكانه
لكن بيعبر مستوى الخجل من التصريح بالحب
وفي حالة التخلي عنه بيكون بمثابة التخلي عن الحياء
فكان لازم اوضح الفكرة حتى لاتفهم خطأ
اما باقي الكلام فلكي الحرية في فهمة كما احببتي
ويسعدني مرورك باستمرار


==============
adel

اينعم بهزر
يارب يادولة يارب
يسمع مني ومن كل بلوجرز
وبجد بجد انت اخ عزيز
وانا قابلاك بعيوبك

==========

thunder

وانا مش ح اقولك انك نورت والله يسلمك
ووحشني احتلالاتك
وبكرا يخف ويبقى كويس ويرجع تاني
اخي العزيز دومت بكل الحب والخير
==============

dr.lecter

ايه ياليكتر مافيش حاجة لفتت نظرك غير عيد ميلاد دولة حبيب رمزي وشقيق وفي حب السيما؟
طيب
فعلا انا فكرت في دولة اول ما شفت حفلة الاوسكار قلت اشوف دولة هايقول ايه
لكن غريبة مالحمتهوش ع الرد كاربت اكيد كان مشغول جدا
لكن قلت اكيد ليكتر في اجازة من المدونة
حمد الله على سلامتك

=================

مي

ميوي
ازيك ياجميل
احرجتيني ياميوي

وفعلا المجمع كله بيهوهو على مدار سنين بس الغريب ان الدفعات بتتقدم وبصحة جيدة
تحياتي

==========

momken

وجودك دائما يسعدني

اما بالنسبة للملحوظة
انا مع رايك
ولكن التوضيح هنا كان لسبب ان كلمة الحياء قد ترسم مشهد اكبر من ما يتحمله الكلام
فيما عدا ذلك الافكار متاحة لخيال الجميع
تحياتي

========
gmr14

ميرسي جدا على الكلام الجميل ده
ونورتني
تحياتي

أحمد .. لو مخانتنيش الذاكره said...

الله عليكي بجد

ما شاء الله .. أسلوبك أكثر من رائع و احساسك عاااالي

ربنا يبارك فيكي .. انتي بجد غريبه انك تبقي في الزمن ده

أول زياره لمدونتك و معلش لو من غير دعوه .. بس أكيد ان شاء الله من متابعين حضرتك

و يا ريت تشرفيني في مدونتي الجديده المتواضعه
http://ahmedabdulmohsin.blogspot.com/2010/01/blog-post_25.html

بس .. أكيد انا مش زي حضرتك .. أنا لسه في سنه أولى تدوين ..فمن غير تريقه

هههههههه

norahaty said...

ان اختارالوليد اباه فانا لم اختر
حبا بربوع القلب سجل امتلاكأ وأشهر
كلما ارتوى منه ..إزداد واستكثر
وانتشى بالحب الجميل وأكبر
جميلة الفكرة اوى يافكرة:)
والكلام والمعنى حلو اوى .
كل سنة ودولة بخير وسعادة
ربنا يحقق له ما يرجوه
من السعادة يارب.

صدى الصمت - عاشقة الورد - said...

الله عليكى يا فكرة
كلمات رائعة ومعبرة وحساسة
وصورة البوست كمان راقية قوى
دمتِ مبدعة متألقة كعادتك
تحياتى

فتاه من الصعيد said...

ازيك :)

انتي ناويه تحبسينا معاكي ... صح :))

عموما رديت على سؤالك الاول يا ريت تروحي تقريه :)

بالنوسبه للاسقاط فده وجهه نظرك كقارئه مليش دعوه بيها انا ... ودونا ورا الشمس بقا :)

تحياتي

amirelhob said...

كل سنه والقمر اللى انتى قولتى عليه طيب وبخير

وطبعا مش اكيد لازم اتاسف مليون مره مش مره واحده على انى بت عن التعليق فى المدونه لفترا وكمان لانى اتاخرت فى الرد على البوست الاخير بس اكيد غصب عنى
احلى ما فى البوست عنوانه والاحلى انو كان كفايه اوى عشان يتفهم البوست من قبل ما يتقرئ لانو جميل اوى لما نعمل جواب يبان من عنوانه

ومش هنكر ان فى البوست فى بعض الكلمات يصعب على الاذكياء جدا امثالى فهمها (**)
يا ريت متبقيش زعلانه من تاخيرى ويا ريت تقبلى زيارتى ومن قلبى بتمنلكم كلكم كل خير وسعاده وصحه وتوفيق وفرح وابتسامه تدوم يا رب طول العمر

me