اي كلام مكتوب هنا

مش بالضرورة حالة شخصية للكاتب
فرجاء اننا نشوفه
مجرد عمل فني بيوصف حالات بنشوفها حوالينا في الحياة مش اكتر

Followers

Saturday, February 07, 2009

بتحبها





حتى ان كنت بتحبها

انا راضية انك تخلص لها

ماليكش خير فيا لو

ماكنتش مدين لها

ليها حق فيك ارجعلها

اكيد بتحبك اكتر ما بتحبها

ومهما غلطت اغفر لها

عشان حبك ليا كان غلطة في حقها

اوعى في يوم تجرح قلبها

من كتر حبي ليك

بقيت والله........بحبها

14 comments:

dr_samarmar said...

معقولة فى حد بيوصل للدرجة دى من الطيبة و الحنية و التضحية ؟؟؟؟

صعب أوى حد بيحب يفكر كدا صح :$

تحياتى :)

MaNoOoSh said...

صعب اتخيل الاحساس دة.. لكن اكيد احساس نبيل.

ساره said...

التضحيه اسماء صفات الحب
اللي يحب حد دائما يتمني ليه السعاده وين ما كانى...

عن نفسي اقولك ما اتمني اني اضحي كذا ولو اني اعملها :)

سمكه واحده said...

الله جميل اوي
بس فعلا في الزمن ده ممكن حد يضحي بحد للدرجه دي
او ممكن الحب والخوف علي الطرف التاني يوصل للدرجه دي
ده تبقي منتهي الاخلاص والحب والوفاء
بس عن نفسي ده انا اموتها هههههه
بهزر
دمت بخير
تحياتي

عاشقه الرومانسيه said...

الله الله الله بجد برافو
روعه
الكلام بسيط وسهل ومعبر جدااااااااا
ماشاء الله
اشكرك جدا انك عرفتينى على مدونتك

اسماء واحلام فى وجدانى said...

صعب جدا انى اصدقك

لانى مؤمن ومقتنع ان الارض مفيهاش ملايكة انا بشر

وانتى بشر

بس اللى واثق منه دلوقتى انى انا بشر لكن

انتى !!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!

احمد

فكرة من الزمن ده said...

هي صعبة بس بتحصل
صدقيني
شكرا ليكي ياسمر

فكرة من الزمن ده said...

فعلا احساس نبيل بس مؤلم في نفس الوقت
نورتي يامنوش

فكرة من الزمن ده said...

محدش بيتمنى لنفسه انه يتالم بس ده ما يمنعش انه يعمل كده بجد
شكرا ليكي ياسارة وعلى احساسك ده

فكرة من الزمن ده said...

والله ياسمكة انتي معاكي حق
لان الناس بتختلف
مثلا واحدة تقول لو حوزي اتحوز عليا لازم ارجعه واحارب
انا اقول لا انا اقول له بالسلامةانت وهي
وده اختلاف البشر في احاسيسهم وردود افعالهم
شكرا ليكي ياسمكة

فكرة من الزمن ده said...

عاشقة الرومانسية
شكرا ليكي انتي على ذوقك ونورتي وعلى فكرة اسمك حلو اوي

فكرة من الزمن ده said...

انت قلت ان الارض مافيهاش ملايكة
واكيد السما مافيهاش لاب توبز ولانت
فاكيد انا بشر وعلى فكرةلو انت مش مصدقني احب اقولك لو شفت بعيني وفكرت بعقلي وقلبي وكنت مكاني هاتصدق نفسك
شكرا ليك يا احمد

أنفاس الرحيل said...

فكرة من الزمن ده
روح كريمه تلك التى تصفها كلماتك
بختصار ابدعتي

لك منى كل التقدير والاحترام

دمت بود

فكرة من الزمن ده said...

انفاس الرحيل
شكرا جزيلا لكي على ردك واراؤكم تسعدني
تشرفت بوجودك

me