اي كلام مكتوب هنا

مش بالضرورة حالة شخصية للكاتب
فرجاء اننا نشوفه
مجرد عمل فني بيوصف حالات بنشوفها حوالينا في الحياة مش اكتر

Followers

Monday, February 16, 2009

وقعتكوا سودة

تنوية مهم
اولا باعتذر يا جماعة اذا كان كلامي مش واضح وماكنش معاه توضيح للفكرة
بس انا عرضته الاوول على ناس ومحدش لفت نظري للحكاية دي
فحبيت اوضح الفكرة

هي باختصار
حوار بين زوجة غيورة وزوجها ابو عيون زايغة
وبتحكيله عن انها سمعته وهو بيكلم اكتر من واحدة

وسرد للمواقف اللي حصلت بينه وبين اكتر من واحدة

يارب اكون قدرت اوصل الفكرة المرة دي

ومقصدش الغموض ابدا

ــــــــــــــــــــــــــــــــــــــــــــــــــــــــــــــــــــــــــــــــــ

بعد البوست اللي فات
واللي كان حزين برغم من جمال الكلام
وطبعا انا اشكر في الكلام لانه موش كلامي
حبيت اكتب حاجة دمها خفيف شوية يارب تعجبكم



قالتلك ممكن سؤال

قولت لها وانا طويل الب
ال

قلت لكم والله عال


قالت لك خد ايدي وصلني

قولت لها ده شر
ف ونالني

قلت لك حلاوتك يابني

وانا ايه اللي نابني


قالت لك اتو
بيس كام يودي فين

قولت لها اؤمر ع الراس وع العين

قلت لكم وقعتكوا س
ودة انتوا الاتنين


قالت لك علمني

قولت لها تعالى قرب مني

قلت لك يبقى احسن تطلقني






36 comments:

حسام غانم said...

الله


صباح التهييس يعني

ايوشة said...

تقريبا الموضوع ده بيتكلم عن الخيانة
بس مش عارفة هى ليه استسلمت فى الاخر وطلبت الطلاق المفروض تتدافع مش تتسلم

نفرتارى said...

بجد فعلاً دمها خفيف جداً .. بوست هايل .

تحياتى .. دمت بألف خير ،،

نفرتاى

كيــــــــــــارا said...

ازيك ياقمر مبسوطه ان بوست فوقي ياقطة احنا في عصر الغاب عجبك ولو حابه تنقليه انقليه ياقمر المدونة كلها تحت امرك بس مش تنسي تقولي المصدر

هقرا وارجع :)

كيــــــــــــارا said...

بعد الخيانه بيستحيل العشرة

كيــــــــــــارا said...

يوه شفتي نسيت اقولك ان البوست حلو والصورة معبره اوي

عاشقه الرومانسيه said...

انا قريت البوست
والحمد لله

مش فاهمه حاجه

ههههههههه
هو انا غبيه ولا ايه ياجدعان
ولا انتى اللى مشهيسه؟

د.توكل مسعود said...

السلام عليكم ورحمة الله....وبعد
أعتقد أن الرومانسية مثل "الملح" قليل منه يصلح الطعام ولايمكن أن يكون الطعام شهيا بغيره....ولكن لايستطيع الإنسان أن يأكل ملحا خالصا.

لو جنحت إلى "الواقعية" قليلا ستكون النتائج إن شاء الله أحسن وأحسن وأحسن

والله معك

فكرة من الزمن ده said...

حسام غانم شكرا على الزيارة
التهييس بيبقى بعد الضهر

فكرة من الزمن ده said...

ايوشة هو الموضوع مش بالظبط الخيانة هو الزوج ابو عين زايغة والزوجة الغيورة
بس هي بتبقى اختلاف البشر العادي زوجة تنسحب وزوجة تحارب مش كل الناس زي بعض

فكرة من الزمن ده said...

نفرتاري الجميلة
شكرا ليكي وسعيدة انها عجبتك

فكرة من الزمن ده said...

كيارا طبعا كلامك لازم يعجبني ويعجب اي حد بجد مش مجاملة الصح محدش يقدر غير انه يعجب بيه
فعلا الصور معبة اوي وفرحتيني انك اخدتي باالك من ارتباط الصور ده
واكيد لما انقل موضوعك هايكون باسمك

ولد مصري said...

الحقيقة لما قرأت الموضوع عجبني جدا بس أنا كمان مافهمتش حاجة زي عاشقة الرومانسية

الحمد لله ماطلعتش لوحدي في موضوع عدم الفهم ده :))

ان شاء الله بكره عددنا يكبر ونعملها قضية رأي عام

واحتمال نعمل نقابة

بس بصراحة لما قرأت الشرح في ردك على تعليق ايوشة فهمت

والموضوع عجبني أكتر

يا ريت بعد كده تنزلي ورق درس مع البوست على طول علشان نلحق نذاكر:))

تحياتي لقلمك المبدع

صدى الصمت said...

مش عارفة بالظبط تقريباً أنا غبية أو ساقطة عربى
لأن الموضوع مش واصلنى قوى من الآخر وبصراحة مش فاهمة حاجة
تحياتى

ساره said...

معليش انا مافهمت ممكن توصلين لي الفكره؟

انا اسفه بجد :(

أبو العريف said...

دا بقي العجل في بطن امه

او ممكن البطيخه

بجد دمك خفيف

ولد مصري said...

مش قلتلك عددنا هيزيد

وعلى فكرة إحنا لو كملنا 25 راس ممكن نعمل حزب

ونسميه حزب عدم الفهم التقدمي الوحدوي

وممكن نرشح نفسنا في انتخابات رئاسة الجمهورية ومجلش الشعب

وأكيد مادام مش فاهمين يبقى هنكسب :)

تحياتي

فكرة من الزمن ده said...

السلام عليكم
انا اسفة ياجماعة اني اتاخرت في الردود بس معلش ظروف
بسم الله نبدا

فكرة من الزمن ده said...

عاشقة الرومانسية
سلامتك يا عاشقة لا مش غبية ولا حاجة يمكن انا اللي مشهيصة شوية بس هاشرح في الاخر طالما معظم الناس ما وصلتش لقصدي

فكرة من الزمن ده said...
This comment has been removed by the author.
فكرة من الزمن ده said...

ولد مصري الحمدلله ان الرد وصلك قبل تشكيل النقابة
احسن كانت هاتبقى وقعتنا مش فايتة
وان شاء الله يكون في ورق مع كل بوست وانت اللي هاتصور الورق وتوزعه ان شاء الله

فكرة من الزمن ده said...

دكتور توكل
وجود حضرتك شرفني
ورايك له كل الاحترام وطبعا الرومانسية شيء مهم يبحث عنه الكثيرون
والملح الزائد يفسد الطعام
معاك حق
وايضا لولا اختلاف الاذواق لبارت السلع
ومن سنن الدنيا ان لكل شخص شيء يبرع فيه ويتقنه او على الاقل يجد نفسه فيه
وقد يكون له الوان اخرى يبرع فيها في مكان اخر قد تكون قراتها مصادفة ولا تعلم ان الكاتب واحد
شكرا لك

فكرة من الزمن ده said...

صدى الصمت شكرا ليك وحاضر هاوضح قصدي وانا اسفة لو كان الكلام مش واضح

فكرة من الزمن ده said...

سارة لا تتاسفين حبيبتي
انا اعتذر اني ما وضحت من الاول

فكرة من الزمن ده said...

ابو العريف
انا قلت مافيش غير ابو العريف اللي هايعرف حل الفزروة
ههههههه شكرا ليك

فكرة من الزمن ده said...

ولد مصري
ربنا يسامحك انت السبب شجعت الناس وخليتها تنضم ليك

فكرة من الزمن ده said...
This comment has been removed by the author.
فتافيت said...

هههههههههههههههههههه

هابي طلاق

ايه ده بجد منين رايح على فين.. بس في النهاية ضحكت

والله لذيذة اوي وجامدة ومهيبرة

انتي عسسسسسل

فكرة من الزمن ده said...

فتافيت ربنا يخليكي انتي اللي عسل ياعسل
يعني كل ده والشرح كمان مش موضح؟

pOOmmIIIsE said...

حبيت ارد الزياره يا جميله...
اكيد معك حق ..هو نوعا ما التكبر ع المشاعر بيحكي وبيضرب موضوع الخيانه ...
تقبلي مروري يا زوء انتي وجد منورتيني بالمدونه يا جميله انتي ...
اختك الفلسطينيه وعد
:)

فكرة من الزمن ده said...

وعد ميرسي ليكي يا جميل على ذوقك نورتي
وزوريني تاني

بـسـمـــة صـــــلاح said...

السلام عليكم
شكلي هنضم لحزب الأغبية هههههههههههههههههههههههههههههههه
سوري طبعا بهزر
هي الفكرة يمكن وصلت ويمكن لا أصل انا الترددات عندي ضاربه شمال
ههههههه
اتبسطت بوجودي هنا
دمت بكل ود
تحيــــــــاتي(:

ادم المصرى said...

والله ديما كدا الحاجه الى نكون عيذنها

لينا لوحدنا لزم تبوظ او نلقلها شريك

ولو غفلنا عنها ثنتو ثنيه ممكن تشوف مالك غيرنا

حتى لو كانت هذه الاشياء املاك خاصه

ذى الزوج

اسماء واحلام فى وجدانى said...

اعتذر عن كل هذا التاخير

ولكنى لم يكن بيدى

واتمنا ان تتقبلى اعتذارى

كما اتمنا لك التوفيق

دوما باذن الله

فكرة من الزمن ده said...

فعلا يا ادم وممكن بدون ان نغفل ولا اي حاجة
الاملاك الخاصة بردو تلاقي لها مالك اخر
شكرا ليك

فكرة من الزمن ده said...

اسماء واحلام وجداني
شكرا على الشعور واعتذار مقبول طبعا بشرط عدم تكرار الغياب الا بعد كده لازم يبقى تجيب ولي امرك هههههه
شكرا

me